"Viðskiptabann sett á Texas"

Ef Texas væri sjálfstætt ríki, væri ekki mjög fjarstæðukennt að ímynda sér að viðskiptabann yrði sett á það, vegna dauðarefsinganna. 

Það má kannski réttlæta dauðadóma í einstaka tilfellum þótt ég komi ekki auga á hana. Dauðadómum fer fækkandi í Bandarikjunum en ekki í Texas en þróunin er að sjálfsögðu sú, að dauðadómar verða smátt og smátt aflagðir. En eftir hverju er verið að bíða? Að heil kynslóð refsiglaðra öfgamanna í Texas deyi út? 

Væru það ekki frábær tíðindi ef fyrirsagnir væru eitthvað á þessa leið: "Viðskiptabann sett á Texas", þar sem Bandaríkjastjórn og Evrópusambandið ákveddu í sameiningu að svæla villumennskuna burt með slíkum aðgerðum? Að vísu eru viðskiptabönn umdeild sem bera sjaldnast árangur en Texasbúar myndu glaðir breyta dauðarefsingum í ævilanga dóma (eftir atvikum), í skiptum fyrir hnökralaus viðskipti við nágrannaþjóðirnar. 

ESB hvetur ríkisstjóra Texas til að hætta við dauðarefsingar

Athugasemdir

[Arnar (IP-tala skráð) 22.8.2007 kl. 13:45]

Sammála. Dauðarefsingar ber að afnema tafarlaust.

Það lýsir miklum hroka ráðamanna í Texas að hlusta ekki á tilmæli ESB, en fjölmörg tilmæli sama eðlis til Texas hafa borist frá ESB undanfarin ár. Að Bandaríkin, með Texas í 'fararbroddi´afnemi dauðarefsingar gegnir lykilhlutverki við afnám dauðarefsinga í heiminum öllum.

[Benedikt Halldórsson, 22.8.2007 kl. 17:32]

það er málið. það verður ekki fyrir en dauðarefsingar verða aflagðar í Bandaríkjunum, að hægt verður að berjast gegn þeim á heimsvísu. Víða er fólk líflátið fyrir minniháttar sakar á okkar mælikvarða, t.d. þjófnað og svokallaðan hórdóm.