Ruslbrúðartertur og annar skyndibiti.

Þriðjudagur, 17. júlí 2007

Ruslbrúðartertur og annar skyndibiti.

Sá sem borðar bara franskar kartöflur og hamborgara í öll mál eins og náunginn í myndinni "super size me" , umfram hitaeiningaþörf, fitnar að sjálfssögðu, líka Jennifer Lopez. Gallinn við suma skyndibita er sá, að þeir geta verið afar hitaeingaríkir og mjög fituríkir.

En hvaða rusl er annars verið að tala um? Hefur einhver borðað ruslkonfekt frá Nóa og Síríus, ruslhreindýrasósu með hreindýrasteikinni á jólunum eða ruslbrúðartertur. En eins og flestir landsmenn vita, fyrir utan lítil börn, er ekki hollt að borða bara brúðartertur í öll mál.

Ef við hins vegar værum í naglföstu fæði hjá alþjóðlegum skyndibitakeðjum og værum hlekkjuð við keðjurnar og mættum alls ekki borða annarsstaðar, mætti kannski tala um ruslfæði.

Eina fólkið sem borðar í raun ruslfæði eru þeir sem borða upp úr ruslatunnum, en reyndar þekki ég engan sem það gerir.