Ljótt er að heyra

Þetta eru "góðar" fréttir eða hvað? Eru skilaboðin ekki þau að sá sem álitur sig vera fegurðin uppmáluð, ef þannig má að orði komast, er einnig litinn fallegum augum af öðrum, eða er ég að misskilja málið?

Það er sagt að fólk sem er álitið fallegt, þéni 12% meira en þeir sem álitnir eru ljótir. Ef ég og þú, ættum að skipta fólki í tvo hópa, þann fagra og þann ljóta er ég nokkuð viss um að álit okkar yrði ekki alveg samhljóða, að skekkjumörk yrðu jafnvel meiri en 12% og færi jafnvel eftir dagsformi aðila, þess sem dæmir og þess sem dæmdur er?

Er ekki nokkuð ljóst að vafaatkvæði með gott sjálfstraust færu í flotta hópinn? Getur ekki líka verið að sá sem þénar vel, sé ánægðari með sjálfan sig?

Fólk sem misnotað hefur áfengi og hefur náð að hætt að drekka, fríkkar alveg ótrúlega mikið, stundum um mörg hundruð %, það eru ekki bara hrukkurnar og baugarnir sem hverfa, augun breytast og þau fara jafnvel að geisla.

Hvaðan kemur það?

 

Fallegt fólk þénar mest

Athugasemdir

[Guðríður Pétursdóttir, 22.8.2007 kl. 02:31]

Ég er hundrað prósent sammála... allir sem hafa gott sjálfstraust og finnast þeir vera fallegir verða fegurri fyrir vikið. Og ekki skemmir ef manneskjan hefur fallega persónu að geyma sem gerir að verkum að hann/hún hefur en betri nærveru en ella

[Benedikt Halldórsson, 22.8.2007 kl. 10:17]

Já, nákvæmlega, Ég held að einhver "útgeislun" geri útslagið í flestum tilfellum hvernig við komum fólk fyrir sjónir, að vísu er einhver munur á fólki sem hefur dvalist of lengi  PhotoShop og þaðan farið í tímarit, en lifandi fólk er eðlilegra.

Vandinn við að breyta fólki er sá að ef maður gerir of mikið, verður manneskja að styttu. Það er hræðilega áberandi hversu illa er farið með fólk á forsíðum íslenskra glanstímarita. Maður á ekki að hugsa til PhotoShops þegar maður ber andlitin augu en því miður man ég ekki eftir eðlilegu porteti í langan tíma (kann sjálfur á PhotoShop). það er álíka eins og þú sæir mann og segðir, "mikið assgoti ertu með flotta hárkollu". Það á EKKI að sjást að hann er með eina slíka, ef með sér það er hann með lélga hárkollu!