Færsluflokkur: Dægurmál

Við getum treyst tunglinu

Í allri óreiðunni er gott að horfa til himins. Þar eru engar kreppur, hvorki uppsveiflur né niðursveiflur. Engir skilnaðir. Gengi tunglsins er fast, enda gengur það sinn vanagang og heldur sig við jörðina.

.


mbl.is Vatn fannst á tunglinu
Tilkynna um óviðeigandi tengingu við frétt

Verjendur

Í umdeildum umræðum þurfa  einhverjir að taka að sér að sækja og verja mál, ekki ósvipað og hjá dómstólum.

Kannski er krafan um almenna niðurfærsla skulda dauðadæmd og óframkvæmanleg en einhverja þarf til að verja hana og fylgja henni eftir. Marínó G. Njálsson tók að sér að fylgja eftir kröfunni sem margir telja ekki gerlega. Með því að draga einkaskuldir Marinós og eiginkonu hans inn í umræðuna er verið að ýja að því krafa Marinós sé ekki marktæk, vegna eiginhagsmuna. En svo vill til að krafan á stuðning fjöldamargra, hundruða, jafnvel þúsunda.

Hver er hæfur til að benda á kjör fátækra? Hver er hæfur til að mæla með lægri sköttum?

Til hvers að taka þátt í umræðum ef verjandi eða sækjandi málsins er gerðir tortryggilegir?

„Umræður“ um meinta eiginhagsmuni eru aðeins til þess fallnar að grafa undan lýðræðislegri og sjálfssagðri umræðu sem þarf að fara fram. Fjölmiðlar hafa engum skyldum að gegna öðrum en að upplýsa mál, ekki koma í veg fyrir að fólk flytji mál opinberlega.


Góðkynja illdeilur

Deilur eru góð leið til að viðhalda áhuga og þekkingu á málum og eru því til góðs. Þegar „allir“ eru „sammála“ tekur sinnuleysi og doði við.

 

Þegar mál hætta að valda deilum hættir fólk að tala saman um þau, en umræður leiða til rökhugsunar, enda eina færa leiðin til að sigra! Það er jú bannað að ráðast á þá sem eru ósammála með öðrum vopnum en rökhugsun og staðreyndum. Rökræður eru æfingar í gagnrýnni hugsun. Deilur eru því góðar æfingar í hugsun.

 

Hver kynslóð verður að fá æfa sig og komast sjálf að niðurstöðu. Jafnvel um mál sem við teljum vera afgreidd fyrir aldir alda.

 

Ef ekki eru deilur um mál er það yfirleitt vegna þessa að fólk þorir ekki að tjá sig. Mál geta lokast inni hjá „fagaðilum“ sem oft eru aðeins launaðir starfsmenn tiltekinnar umdeildar hugmyndafræði. Ég er ekki að tala um tannlækningar! Við deilum ekki hversu langt er til Þorlákshafnar, við mælum vegalengdina. En um ótal mál önnur má deila um. Jafnvel hvort heimurinn hafi verið hannaður eins og sumir halda fram. Deilurnar auka áhuga fólks á þróun lífsins en fjölgar alls ekki sköpunarsinnum!

 

Mál sem eru á válista fer fjölgandi. En þá ákveða „sérfræðingar“ að búið sé að komast að endanlegri niðurstöðu og því óþarft að ræða málin frekar. Blaðamenn, rithöfundar og hugsandi stéttir þora ekki annað en að fylgja rétttrúnaðinum.  

 Engin mál eru svo flókin og viðkvæm að meðalgreint fólk geti ekki skilið þau í öllum aðalatriðum og myndað sér skoðun án þess að samfélagið fari á hliðina. Það er engin hætta á að deilur um viðkvæm mál leiði okkur til myrkra miðalalda, síður en svo.

Þar sem þykir sjálfsagt efast er engin hætta á fasisma og ranglæti. Þegar mál eru hinsvegar innsigluð og gerð heilög tekur almennt þekkingarleysi við vegna skorts á rökæfingum.

 Við munum aldrei verða á eitt sátt um mál sem á annað borð er hægt að efast um. Ef við hættum að spyrja spurninga, ef við hættum að viðra efann opinberlega fer hann neðanjarðar og getur sprottið fram sem ógn löngu síðar. Spurningar sem ekki er varpað fram, er ekki svarað. Efasemdum sem ekki fá að koma fram, er ekki eytt.

Ef leyfilegt að brjóta rúður í þinghúsinu núna?

Ef mótmælendur verða æstir og reiðir er hugsanlegt að þeir megi brjóta rúður i þinghúsinu án þess að verða kærðir. Það er að minnsta kosti krafa ansi margra að ekki eigi að kæra mótmælendur ef þeir valda eignaspjöllum á opinberum byggingum. 
mbl.is Stefnir í fjöldamótmæli
Tilkynna um óviðeigandi tengingu við frétt

Lánsöm þjóð?

Á íslandi búa á að giska 300.000 fangar. Ísland er opið fangelsi en allir geta sótt um reynslulausn með Icelandair, Icleland Express og Norrænu. Að öllu gríni slepptu eru ótrúlega margir í skuldafangelsi, geta sig hvergi hrært, sitja uppi með óseljanlega bíla og húsnæði, eiga minna en þeir skulda, geta ekki afhent bíllykla eða húslyklana.
mbl.is 317.630 bjuggu hér um áramótin
Tilkynna um óviðeigandi tengingu við frétt

Kók og kraftaverk

Coca Cola samsteypan ætti að leggja stórfé í hjálparstarf, ekki bara á Haíti heldur út um allan heim, svona til að launa hinum 25 ára gamla Haítíbúa greiðan þegar hann þakkaði Coka Cola lífgjöfina. Hann þurfti ekki að minnast á drykkinn sem allstaðar er seldur enda skiptir ekki máli hvaða vökva hann innbyrti í prísundinni.  Hann drakk líka bjór án Þess að tegundarinnar væri getið og borðaði nafnlausar kökur.

Segjum sem svo að hann hefði nefnt bjórtegundina Prestige en það er einmitt vinsæll bjór frá Haítí. Hafa verður í huga að maðurinn var nær dauða en lífi þegar hann fannst og varla fær um að tala. Er líklegt að fréttamenn segðu að hann lifði 11 sólarhringa vist í rústunum með því að drekka bjórinn Prestige? Ég held ekki.

Það er keppst um að búa til fyrirsagnir, ein er svona: "Quake Survivor Lived On Beer For 11 Days", en í annarri er talað um kökur og bjór en ekki minnst á Coca Cola "Survivor lived on beer and cookies".

En það er óhætt að segja að Coca Cola hefur aldrei komist eins nálægt því að gera kraftaverk og einmitt þessa daganna: "Miracle after Haiti search efforts end: Man found after drinking Coca-Cola to survive for 11 days" 

 Svona fyrirsagnir gera að minnsta kosti kraftaverk í sölu á kók.


mbl.is Lifði á Coca-Cola
Tilkynna um óviðeigandi tengingu við frétt

Hvaða verslun selur mynd af forseta Íslands?

Mér er skapi næst að kaupa mynd af Ólafi forseta og hengja hana í upp í stofunni hjá mér.


mbl.is Ólafur í kröppum dansi á BBC
Tilkynna um óviðeigandi tengingu við frétt

Áramótaskaupið

Sú ákvörðun forseta Íslands að skrifa ekki undir Icesafe mun ekki gleymast um aldir og verður einn minnistæðasti atburðurinn í Íslandssögunni.

En hvað varð til þess að Ólafur tók þessa sögulegu ákvörðun?

Í gamla daga sá ég kvikmynd sem átti að gerast í seinni hamstyrjöldinni. Sögð var saga af harðsnúnum herflokki sem samanstóð af örfáum en hrikalega hæfum harðjöxlum sem breyttu gangi heimstyrjaldarinnar með einni tiltekinni aðgerð.

Ef gerð væri (Hollywood) kvikmynd um ákvörðun forseta að vísa málinu þjóðarinnar myndi ég vilja að þáttur Áramótaskaupsins yrði rækilega tíundaður og harðjaxlarnir, konur og karlar, sem tókst að svívirða forseta vor og embættið, með tilvísun í myndina Hangover verði hetjur myndarinnar og þúfan sem velti við vagni ósigursins sem blasti við þjóðinni. Við það gat forseti vor ekki unað.

Því er þrefalt húrra fyrir Skaupinu viðeigandi.

Húrra, húrra, húrra!


mbl.is Staðfestir ekki Icesave-lög
Tilkynna um óviðeigandi tengingu við frétt

Hin kostulega kveðja

Í Vísi er sagt að Jón Gerald heilsi öllum viðskiptavinum sínum. Svoleiðis á að koma fram við vini sína, jafnvel þótt þeir séu bara viðskiptavinir sem ráfa um og kaupa lítið sem ekki neitt en fá þó handaband í bónus.

Ég geri ráð fyrir að Jóhannes í Bónus fari að dæmi Jóns og heilsi líka sínum búðarvinum enda er það augljós Kostur.

En Krónan á í vanda ef farið verður út í vináttustríð. Hver á Krónuna? Þar er enginn Kalli í Krónunni og því er engum hægt að heilsa þar. Það er mikill óKostur. Allir þekkja afturámóti Jóhannes og Jón og maður heilsar jú þeim sem maður þekkir.


mbl.is Opnun Kosts seinkar
Tilkynna um óviðeigandi tengingu við frétt

Hræðslusporin 12

Höskuldur Þórhallsson og Sigmundur Davíð Gunnlaugsson virðast ekki þekkja hræðslusporin 12 sem hvert mannsbarn á Íslandi ætti að þekkja núorðið.

Hræðslusporin 12

  1. Við viðurkenndum skuldir okkar og sök í Icesafe og að við gætum ekki höndlað málið fyrir dómstólum.
  2. Við fórum að trúa að undirlægjuháttur gæti gert okkur fjárhagslega heilbrigð að nýju og báðum því um reikninginn.
  3. Við tókum þá ákvörðun að fela líf okkar og vilja í umsjá AGS, samkvæmt skilningi okkar á stofnuninni.
  4. Við gerðum rækilega og óttalaust siðferðileg reikningsskil, játuðum strax og báðum um langt gæsluvarðhald.   
  5. Við játuðum misgjörðir okkar fyrir AGS, sjálfum okkur og Evrópusambandinu um allt hvaðeina sem hægt var að klína á okkur.  
  6. Við vorum þess albúin að hlýða AGS og ESB án skilyrða.
  7. Við báðum AGS og ESB í auðmýkt að losa okkur við eigin ákvarðanir um aldur og æfi.
  8. Við skráðum misgjörðir okkar gagnvart náunganum sem stjórnar AGS og urðum fús til að bæta fyrir þær með hlýðni, gæsluvarðhaldi og sektum.
  9. Við bættum fyrir brot okkar milliliðalaust og án malaferla svo framarlega sem það særði engan útlending.
  10. Við iðkuðum stöðuga sjálfsrannsókn og þegar út af bar viðurkenndum yfirsjónir okkar og réttleysi fyrirfram.
  11. Við styrktum vitundarsamband okkar við AGS með öllum tiltækum ráðum og báðum um það eitt að vita vilja AGS og hafa mátt til að framkvæma hann.
  12. Við urðum fyrir undarlegri vakningu er við stigum þessi spor og reyndum því að flytja öðrum þennan boðskap og fylgja þessum meginreglum eftir.

mbl.is Mun ekki biðjast afsökunar
Tilkynna um óviðeigandi tengingu við frétt

Næsta síða »

Um bloggið

Sko

Höfundur

Benedikt Halldórsson
Benedikt Halldórsson

Bloggvinir

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Nýjustu myndir

  • engin hamfarahlýnun
  • engin hamfarahlýnun
  • engin hamfarahlýnun

Heimsóknir

Flettingar

  • Í dag (28.3.): 0
  • Sl. sólarhring:
  • Sl. viku:
  • Frá upphafi: 0

Annað

  • Innlit í dag: 0
  • Innlit sl. viku:
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband