Að geyma fanga í geymslu.

"Fangageymsla" er skrýtið orð. Er fólk ekki handtekið og tekið til fanga? Það fer í fangelsi. Fólk er ekki tekið til geymslu vegna óláta á almannafæri. Enginn er dæmdur til geymslu.

Þegar og ef vélmenni koma til sögunnar sem munu kannski eiga í gangtruflunum á "djamminu", fólki til ama og leiðinda væri sjálfsagt að geyma vélmennin á öruggum stað, þar til búið væri að yfirfara þau og forrita upp á nýtt.

Já, það er undarlegt að tala um geymslur fyrir fólk. Ekki er talað um svefngeymslur fyrir ferðamenn, sjúklingageymslur fyrir veikt fólk, engum hefur hugkvæmst að líta á skóla og leikskóla sem barnageymslur. Maður geymir innbú, bíla, sláttuvélar, skíði, vetrardekk í þar til gerðum geymslum en varla fólk af holdi og blóði.

-Palli, hvert fórstu eftir partíið? Ég var tekinn til geymslu!  

Von á örtröð í fangageymslur lögreglu

Athugasemdir

[kaptein ÍSLAND, 14.7.2007 kl. 09:44]

jamm,þetta asnalegt orð,er eins og það sé verið að setja eitthvað dýr í geymslu ;)

[Benedikt Halldórsson, 14.7.2007 kl. 09:48]

...enda gamalt, sennilega ættað frá þeim tíma þegar rónar og útigingangsfólk var látið sofa úr sér. Sumir rónar "gistu" ótrúlega oft í "geymslunum" enda áttu þeir oft ekki í önnur hús að venda.

[Sigurbjörg Sigurðardóttir, 14.7.2007 kl. 10:46]

 Já askoti er þetta rétt hjá þér.

[Benedikt Halldórsson, 14.7.2007 kl. 18:26]

Takk fyrir innlitið Sigurbjörg.