"Lögreglan á Borgarnesi" breyttist í "lögregluna í Borgarnesi"....

 

Undir fyrirsögninni: "Tvær 17 ára stúlkur földu um 40 gr. af fíkniefnum innvortis", stóð "lögreglan á Borgarnesi" en því miður hefur einhver á vaktinni á mogganum breytt "rétt", eftir að ég gerði athugasemd. Það hefði bara verið gaman að hafa "lögreglan á Borgarnesi".

Annars var tilefni þessara "ofsókna" minna þátturinn "daglegt mál", sem var minn uppáhaldsþáttur enda var hann bæði fyndinn og fróðlegur. Þar var fólk sem ekki talaði "rétt", tekið svo á beinið að ég er viss um að einhverjir hlustendur hafi hreinlega hringt á lögregluna. Í mínum huga var þátturinn afburða skemmtilegur “sakamálaþáttur” þar sem daglegt mál var gert að einskonar "lögreglumáli".

Þrátt fyrir að mogginn hafi breytt “lögreglunni á Borgarnesi” í “lögregluna í Borgarnesi” mun ég koma með þriðja og síðasta hlutann af “lögreglunni í Borgarnesi” í kvöld.

Góðar stundir.

P.S. Sjálfur þarf ég signt og heilagt að leiðrétta eigin villur.