Flótti úr liðinu

Þetta minnir á þegar Sovéskar sinfóníuhljómsveitir fóru í tónleikaferðir til vesturlanda  og snéru heim til baka sem kvartett.

15 heimilislausir fótboltamenn hurfu í Danmörku

Roðna, bugast og blána

Sitja saman í sána,

sveitt og hitan þreyja.

Roðna, bugast og blána,

bíða þess að deyja.

Heimsmeistaramót haldið í gufubaðsetu

Framtíðin er ekki sú sem hún var í Morgunblaðinu árin 1969 og 1987 og NASA er á eftir áætlun.

Könnunarfar lagt af stað til Mars

Erill og fylgifiskar hans

Enn er lögreglan að kjafta frá Arli. Ég ásamt Guðríði,  Jónu og Sigurgeiri, höfum fundið út, að þegar Erill er í bænum, fylgja honum vanalega tvíburasysturnar Ys og Þys. Frænkurnar Arg og Þvarg eru yfirleitt ekki langt undan. Rúi og Stúi, Hróp og Köll eru þar líka, og aldrei vantar Hávaða og Mergð sem lætur illum Látum. Þá eru gestirnir upptaldir? Nei, ég gleymdi Braut og Bramlaði, sem oftast eru með í förum þegar skötuhjúin Erill og Ölvun eru i bænum?

Erill og ölvun í Eyjum

Erill gerður að blóraböggli...

Samkvæmt mínum heimildum er það alls ekki rétt að Erill hafi verið miðborginni í nótt. Erill var í skemmtilegu einkasamkvæmi fram á rauðanótt og hefur reyndar ekki farið oní miðbæ svo vikum skiptir, enda orðin langþreyttur á að lögreglan fari alltaf með það í blöðin í hvert skipti sem hann vogar sér út á lífið.

Tvíburasystur hans, Ys og Þys áttu afmæli. Það var nú allt og sumt.

Erill í miðborginni í nótt

"Mikil þörf fyrir nýjan Herjólf", mbl grein og viðtöl frá 1989

Ferðir til Eyja ganga vel

Spádómar Nastradamusar um hjólhýsi

Nostradamus spáði því að hjólhýsi myndu fjúka um þessa verslunarmannahelgi 2007, að vísu gat hann ekki spáð nákvæmlega fyrir um hvar eða hvenær, var ekki alveg viss hvort fokið bæri upp á föstudag, laugardag, sunnudag eða mánudag, hann sá ekki bílnúmer jeppanna sem lentu í hjólhýsafoki enda var hann ekki með lesgleraugu þegar hann spáði.

Hann spáði mörgum tjaldstæðum um land allt.  

Eigendur húsbíla og hjólhýsa hugi vel að veðri

Tjöld fuku 1969 og 1994. Nú er líka rok og rigning. Hvar er Árni?

Bannað að tjalda í Herjólfsdal í kvöld vegna slæmrar veðurspár

Hátíðahöld um veslunarmannahelgina 1939

Það er sagt er að sagan endurtaki sig í sífellu. Það á að minnsta kosti mjög vel við um spennuna sem myndast fyrir hverja einustu verslunarmannahelgi. Verður rok og rigning? Munu tjöld (hjólhýsi) fjúka? Hvert skal ferðinni heitið? Hvað sem veðrinu líður sem getur verið óútreiknanlegt, er löngu búið að skipuleggja dagskrána sem byggir á gömlum merg en tekur örlitlum breytingum ár frá ári.

Frídagur verslunarmanna var haldinn hátíðlegur fyrst fimmtudaginn 13. september 1894...Félagið hefur frá upphafi síðustu aldar nær óslitið staðið fyrir skemmtidagskrá á frídegi verslunarmanna. Fyrstu árin fögnuðu verslunarmenn frídegi sínum í byrjun ágúst, það var svo 1931 að fyrsti mánudagur í ágúst var valinn og tengdist það breytingu á samþykkt um lokunartíma verslana. Árið 1935 var dagurinn haldinn hátíðlegur á Þingvöllum og er talið að allt að fimm þúsund manns hafi sótt hátíðina. Sama fyrirkomulag var haft næsta ár en hátíðahöldin fóru yfirleitt fram í Reykjavík eða nágrenni eftir það. Deginum var fagnað á samkomusvæði sjálfstæðisfélaganna í Reykjavík að Eiði í Gufunesi á árunum milli 1937 og 1939 en þar byggði VR meðal annars fótboltavöll þar sem heildsalar kepptu við smásala og starfsmenn þeirra.            VR

 

Hitabeltisstormurinn Chantal gæti bjargað helginni

Á kjánalánum gæti nóttin í hjólhýsi kostað meira en utanlandsferð

Ef fólk kaupir hjólhýsi á 3.000.000 kr, er ekki fráleitt að reikna með að það falli í verði um 30% fyrsta árið í svona brjálaðri sölu. Búast má við verðhruni á notuðum hjólhýsum næsta sumar.

Þegar helmingur kaupir á lánum er ljóst að stór hópur mun eiga í bullandi vandræðum með að borga af skrímslinu í vetur, sem verður kannski geymt í leikmunageymslu sem ekki er ókeypis. Þegar fólki gengur illa að borga af nauðsynjum er oft gripið til þess ráðs að selja ónauðsynjar en þar koma hjólhýsi afar sterkt inn.

Fyrsta sumarið gæti þriggja milljón króna staðgreidda hjólhýsið fallið í verði um 630.000 kr (30%), en miklu meira ef hýsillinn er tekinn á kjánalánum, en þá gæti heimilisskrímslið orðið verðlaust á örfáum árum, þegar ekki fæst meira fyrir það en kjánalánið stendur í. 

Það þarf ekki mikið til að kom af stað vítahring greiðsluerfiðleika sem fer illa með fólk. Ef allt er tekið með í reikninginn gæti nóttin í hjólhýsi orðið ansi dýrkeypt og þá er ég ekki bara að tala um peninga.

„Brjáluð sala" í hjólhýsum