Fullkominn frammistaða dugði ekki til að fleyta Eiríki áfram - því miður, en það gengur bara betur næst

Nú liggur það fyrir; Eiríkur Rauði komst ekki áfram, en við getum huggað okkur við það sem skipti mestu máli; hann stóð sig afburðavel og ef fólk er að leita réttlætis er það ekki að finna í stigagjöf Eurovision undankeppninnar, svo mikið er víst. Það gengur bara betur næst eða þarnæst - okkar tími mun koma...eða hvað?

Eiríkur stóð undir nafni

Eftir slíka frammistöðu sem er í fyrsta skipti betri en sjálft myndbandið er ekki við flytjendur að sakast ef ekki verður framhald á Laugardaginn. Á vefnum esctoday.com segir um æfingar Eiríks Rauða sem stóð svo sannarlega undir nafni: "Eirikur sells his rock song brilliantly and receives warm applause for a solid performance. Again, faultless vocal and full of jaded passion." Við sjáum til hvort fullkominn frammistaða dugar til...

 

Eiríki og félögum tókst vel upp

Kveðskapur og heyskapur.

Einu sinni var bóndi sem orti ljóð í brakandi þurrki að meðan aðrir bændur reyndu að heyja sem mest þeir máttu. Ljóðin voru hans ær og kýr, hann þótti lélegur bóndi en hann var sjálfur sannfærður um að kveðskapur væri meira virði en heyskapur.

Yfirbyggðar svalir og salerni.

Þetta "mál" minnir mig dálítið á yfirbyggðar svalir, jú þannig er að svalir eru til þess gerðar að "fara út" og anda að sér fersku lofti en þegar búið er að byggja yfir þær, koma fyrir leslampa, borðum, viðkvæmum blómum og baststólum eru engar svalir lengur til að fara út á, nema byggðar séu svalir utaná svalirnar. Ef salerni eru notuð undir aðra starfsemi en að koma frá sér úrgangsefnum, þarf þá ekki að búa til ný salerni? 

Samfarir heimilar á salerninu

Silfur Egils

Hvað sem má segja um þátt Egils Helgasonar verður það ekki af honum skafið að hann er hreinn snillingur í þáttastjórn, einhvern veginn kemst meira til skila af skoðunum, hugsunum og fordómum fólks en í nokkrum öðrum þætti. Egill gæti áreiðanlega nýst lögreglunni í að upplýsa sakamál, meintir “afbrotamenn” myndu óvart játa og segja allt af létta. Egill hefur einstakt lag í að “hjálpar” fólki að koma til dyranna eins og það er klætt, í því felst snilldin.

Það er ekki góð skemmtun að velja "ranga" mynd.

Hefurðu farið á videleigu og eytt löngum tíma í leit að réttu myndinni sem átti að gleðja og skemmta en varðst fyrir miklum vonbrigðum með valið og til að bæta gráu ofan á svart þarftu að muna eftir að skila hinni ömurlegu mynd daginn eftir. "Muna að skila leiðinlegu myndinni sem ég eyddi kvöldinu í að velja og horfa á." Það getur tekið heilan klukkutíma að velja myndina, svo tekur uppundir tvo tíma að horfa á hana og hálftíma að skila henni. Þannig að ég eða þú eyðum kannski mörgum klukkutímum í leiðindi sem við þurfum að borga fyrir. 

Ég held að ég sé búin að finna lausnina á þessu mikla heimilisböli. Mig langar að deila lausninni með öðrum bloggurum enda er mikið í húfi, peningar og tími og misheppnuð kvöld sem gætu nýst til einhvers annars. Þú ferð einfaldega inn á vefslóðina, http://www.imdb.com/, og velur mynd sem fær 7 eða hærri meðaeinkunn. Þær 178 myndir sem ég tilgreini hér neðar á síðunni er allt myndir sem fá að minnsta kosti 7 í meðaleinkunn þótt vissulega séu til góðar myndir sem falla ekki fjöldanum í geð og smekkur fólks er ekki sá sami en í yfirgnæfandi meirihluta tilvika ætti kvöldinu að vera borgið. Ég lofa því, góða skemmtun.

Lagt af stað

 

Þessi fyrstu skrif mín á blog.is er ekki eins merkilegur viðburður og þegar stóru skipi er hleypt af stokkunum, fyrsta skóflustungan tekinn að miklu mannvirki og enn síður þegar borði er klipptur til að hleypa fyrsta bílnum í gegnum löng jarðgöng enda byrja ég bara með tvær hendur tómar á lyklaborðinu og afar óljósar hugmyndir um framhaldið. Það mun bara koma í ljós hvað verður.

Ég hef þó sett mér nokkur markmið sem ég vonast til að geta staðið við en þau eru eftirfarandi:

1. Skrifa ekki illa um nokkra manneskju eða gera lítið úr henni með háði, spotti eða öðrum stílbrögðum.
2. Vera eins málefnalegur og ég hef dómgreind til, og svara ekki skætingi i sömu mynt.
3. Skrifa bara þegar ég er í þokkalega góðu skapi og í sæmilegu jafnvægi.
4. Skrifa sem minnst um persónulega hagi mína en því meira um hin ýmsu mál sem mér og vonandi öðrum eru hugleikin.
5. Reyna að segja sem mest í sem fæstum orðum.

Mig langar í blábyrjun að segja smá sögu af sjálfum mér og einu samskiptunum sem ég hef átt við Pólverja. Þannig var að fyrir mörgum árum var ég háseti á fragtskipi sem sigldi til borgarinnar Gdansk sem er hafnarborg í Póllandi. Ég og annar háseti fórum á krá nokkra og reyndum að blanda geði við innfædda. Ég talaði bjagaða ensku og reyndi að afla mér upplýsinga um mannlíf en aðalega skemmtanalíf Pólverja en stemmingin á kránni var ekkert ósvipuð sveitaböllum á Íslandi. Ég spjallaði lengi við náunga nokkurn sem talaði álíka bjagaða ensku og ég en gat þó frætt mig þó nokkuð um "ástandið" í Póllandi sem var á þeim tíma kommúnískt ríki. Eftir nokkur glös og fróðlegt spjall spurði hann mig; "where are you from", sem mér fannst góð spurning enda hafði ég tekið eftir því á örstuttum sjómannsferli að íslendingum var allstaðar vel tekið. Ég svaraði því með stolti; "i am form Iceland", en ég gleymi seint undrunarsvipnum á "pólverjanum" þegar hann æpti nánast, "ME TOO".