HVAR VARST ÞÚ STADDUR ÞEGAR ÞÚ FRÉTTIR AF GOOGLE?

Ég man hvar ég var staddur; ég var í hádegismat í vinnunni og einn vinnufélagi kom til mín, ég hélt að eitthvað væri að  en ég skildi hann bara ekki enda gólaði hann eins og hani. En þá gafst hann upp og skrifaði „google.com.“

Tíu ár síðan lénið google.com var skráð

HÆKKUM BENSÍNIÐ Í BOTN

Ef hækkun á bensínverði gæti leitt til þess að þjóðin grenntist, væri kjörið að hækka bensínlíterinn umtalsvert á sama hátt og rándýrt áfengi hefur komið í veg fyrir misnotkun þess og allskonar vandamála sem fylgir ódýru áfengi, auk þess dýrt áfengi hefur komið í veg fyrir ólæti í miðbænum um helgar eins og allir vita. 

Lýðheilsustöð ætti að berjast fyrir hækkun á bensíni!

Hækkandi bensínverð talið geta grennt Bandaríkjamenn

HEIMASLÁTRUN

Væri ekki betra að reyna fyrst að freista þess að finna Bin Laden og handsama hann. Koma honum síðan til byggða og sjá svo til. Láta jafnvel dómara um að ákveða örlög Bins. Fred segist ekki vilja taka hann af lífi án dóms og laga en þó vill hann einmitt taka hann af lífi án dóms og laqa. Fred er nefnilega ekki dómsvald og enn síður er hann löginn.

Það þarf semsagt að finna Bin Laden fyrst, drösla honum inn í brúklegan réttarsal. Varla eru réttarsalir í fjallasölum þeim sem Bin hefur haldið sig í undanfarinn ár. Kannski vill Fred að dómari fari með í haustleitirnar til að finna eftirlegukindina, sem dæmdi í máli hennar á staðnum og síðan væri dauðadómnum fullnægt við hamarshögg.

Annars er stórmerkilegt að frambjóðandi telji það auka veg sinn og fylgi að tala um að lífláta einhvern, jafnvel þótt hann heiti Osama Bin Laden.

Ef frambjóðandi á Íslandi vogaði sér að tala svona tæki hann sjálfan sig af lífi pólitískt séð.

Thompson: Nauðsynlegt að handsama bin Laden og taka hann af lífi

HITLER OG REYKINGAR

 

Hitler var á móti reykingum og hann var grænmetisæta. Hann lagði áherslu á fjölskyldugildi. Það hefur ekkert með glæpi hans gegn mannkyni að gera. Með sömu röksemdafærslu og forráðamenn sjónvarpsstöðvarinnar notuðu gegn konunni sem þeir ráku, mætti ekki tala um að Hitler var frumkvöðull í áróðri gegn reykingum, á sama tíma og læknar lögðu nafn sitt við einstakar tóbakstegundir í Bandaríkjunum.

Grænmetisát Hitlers, stefna hans í fjölskyldumálum eða andúð hans á reykingum hafði semsagt ekkert með glæpi hans eða gyðingaofsóknir að gera.

Uppúr 1930 var heilsusamlegur lífsstíll nauðsynlegur hverjum góðum nasista. Í raun eiga Lýðheilsustofnanir og nasistar ýmislegt sameiginlegt. Hitler fór í herferð gegn reykingum á opinberum stöðum og fordæmdi reykingar enda fór það afar illa saman að hans áliti reykingar og nasismi.

„Bræður, er ykkur ljóst að Leiðtogi vor (Hitler) er alfarið á móti reykingum, hann vill að hver þjóðverji sé ábyrgur þegn og góð fyrirmynd sem hafur engan rétt til að eyðileggja heilsu sína með reykingum, áfengi eða lyfjum.“ Sagði í einu málgagna Hitlers.

Hitler var stakur bindindismaður sem drakk hvorki né reykti og var líka á móti óbeinum reykingum. Skoðanabræður hans, þeir Mussolini og Franco tóku Hitler sér til fyrirmyndar og fordæmdu reykingar.  

Eini reykurinn sem fór ekki í tugarnar á Hitler kom frá Auschwitz og öðrum útrýmingarbúðum.

P.S Það hafa verið unnin skemmdarverk á síðunni minni....einhver hefur skipt út mynd, sett inn einhverja dónamynd...ég skil þetta ekki...búin að laga það...

Þýsk sjónvarpsstjarna rekin fyrir að vegsama fjölskyldugildi nasista

Sönnunargagn no 1 - sjá mynd...

Vísbending um að menn séu gáfaðri en apar

E

Ég E-fast ekki að ýmis E-efni geti ýtt undir ofvirkni, E-inbeitingaskort, E-irðarleysi og allskonar E-erfiðleika.

E-mil í Katthollti er gott dæmi.

Aukaefni í matvælum ýta undir ofvirkni samkvæmt rannsókn

Ávörp

Ég er dálítið veikur fyrir ávörpum. Ég hlusta alltaf á hátíðleg ávörp forseta og forsætisráðherra um áramót. Ég hlustaði á ávarp útvarpsstjóra sem krakki og fannst það stórmerkilegt. Þegar útvarpsstjóri hafði lokið máli sínu brutust nefnilega út mikil fagnaðarlæti með faðmlögum, kossum og sprengingum.

Ekki er víst að mikil fagnaðarlæti brjótist út þegar Osama hefur lokið sínu ávarpi en það má búast við þó nokkrum sprengingum.

Bin Laden sagður ætla að ávarpa bandarísku þjóðina

Biskupar mega hafa skoðanir

Biskupinn yfir Íslandi lét færa það til bókar að honum þætti auglýsing Símans ósmekkleg sem er jafn eðlileg og sjálfsögð bókun og þegar stjórnmálaður í stjórnarandstöðu tilkynnir að hann sé á móti tilteknu máli sem stjórnin ætlar að keyra í gegn.

Biskupinn er ekki í stjórn Símans og ber enga skyldu til að leggja blessun sína yfir þessa auglýsingu, hann má segja það sem honum sýnist um hana eða hvaðeina annað sem hann telur viðeigandi. Hann hlýtur að ráða því sjálfur hvað honum finnst, án hótanna í garð annara að sjálfsögðu enda er biskup kurteis og háttvís maður.

Það er hinn mesti misskilningur, ef einhver tekur, að biskupin sé einskonar sjálfsali sem eigi að tala eins og okkur hinum sýnist, en margir hneykslast í hvert skipti sem hann talar um trú eða vogar sér að segja eitthvað annað er hörðustu trúleysingjar hefðu sagt eða ályktað.

Ég vil að stjórnarandstaðan veiti stjórninni aðhald en ég vil líka að biskupar veiti auglýsendum og jafnvel vegfarendum aðhald; en nota bene án hótanna. Um leið og biskupar eða annað fólk hótar með ofbeldi á alls ekki að sýna því tillitsemi. Það er reginmunur á skoðunum og ályktunum fólks eða hótunum ofbeldishópa sem hafa ekki húmor fyrir skopmyndum sem væri svo sem í fínu lagi ef það væri allt og sumt; ef ekki fylgdu hótanir um dráp eða grimmilega hefnd, en það er óþarfi sýna hóturum tillitsemi. Það er stundum kallað meðvirkni þegar allir fara að tipla á tánum til að reita ekki ofbeldismann til ofbeldis. Trú er engin afsökun.

Ef biskupinn yfir öllu Íslandi hefði hótað Símanum eða Jóni Gnarr væri alveg sjálfsagt að taka hann ærlega í karphúsið og hamast vel á honum með háði og spotti þar til hann yrði vel barinn og meyr Biskup.

Og hvað skoðun skildi bloggari hafa á auglýsingu Símans? Mín skoðun skiptir svo sem engu máli enda var það biskupinn sem tjáði sig um auglýsinguna en ekki ég, en ég get svo sem getið þess að mér þótti auglýsingin fræbær.

Biskup segir nýja auglýsingu Símans smekklausa

Það vantar töff björgunarsveitarbúning

Það er of seint að kenna stórum hluta fólks mannasiði enda tekur gott uppeldi uppundir  20 ár. Það er alltof langur tími; miðbærinn þolir ekki slíka bið. Nú verður Vilhjálmur að fara í einhverskonar björgunarbúning sem hæfir tilefninu; sem er hvorki meira né minna en að bjarga miðbænum, á sama hátt og hann íklæddist slökkviliðsbúningi rétt í þann mund sem allt var komið í rúst vegna brunans á horni Austurstrætis og Lækjargötu.

Margir leigubílstjórar treysta sér ekki í miðbæinn um helgar

Að verða undir hundaskít

"Ég á hund og einu sinni sem oftar fór ég með hundinn minn út að labba sem er svo sem ekki í frásögur færandi, nema hvað, þegar ég er búin að ganga um það bil 378 metra frá útidyrahurðinni, mætir mér þá ekki þessi risastóri hundur; hann var svo stór að hann hefði getað gleypt litla hundinn minn í einum munnbita. Eigandi stóra hundsins hafði ekki þrifið risatóra kúkinn upp sem fylgir svona stórum hundum; og hvað haldið þið? Ég datt ofan í kúkinn á bólakaf, ég get svarið það, en það sem varð mér til lífs að ég hafði farið á snjóflóðanámskeið og gat krafsað mig út úr hundaskítnum með miklum erfiðismunum, ég fékk síðan áfallahjálp en hreinsunardeild Reykjavíkurborgar sá um að moka upp skítinn." Höfundur er enn að jafna sig.

Ég vona svo að konan Mosfellsbænum nái sér að fullu og Koli líka.

Eigandinn beinbrotnaði og tvísýnt um líf hundsins

Fimm salerni og kælir

Ég veit til þess að í sumum tilvikum þarf fólk sem býr í miðbænum að spúla viss horn sem eru notuð sem klósett. Það er því hreint þjóðráð að borgarráð skuli koma upp betri salernisaðstöðu, að vísu mættu WC klefarnir vera miklu fleiri um helgar til að minnka piss- og kúkerí í húsasundum. En miðað við ástand miðbæjarins um helgar þyrfti að koma upp ferðaklósettum við hvert einasta húsasund og hvert horn. Reyndar hafa nokkrir húsasundaeigendur gripið til þess ráðs að loka "pissuskálum" sínum um helgar með þeim afleiðingum að ásóknin í ólokuð húsasund hefur aukist, sem anna ekki eftirspurn.

Síðan mætti leyfa verslunarstjóranum í vínbúðinni í Austurstræti ákveða hvernig hann selur bjórinn, kældan eða volgan.

Bæta þarf fimm salernum við í miðborginni

Grunaði ekki Gvend

Grunaði ekki Gvend Rasmusen. Nú eigum við ekki lengur áhyggjulaus kvöld eftir að hafa komið gamla fólkinu fyrir á elliheimili. 

Ímyndin af ömmunnu prjónandi sokka og afanum sem sér um að svara í síman og les Kiljan með þykkum svörtum gleraugum; Pardísarheimt og Innansveitarkróniku, já blessuð ímyndin er fokin út í veður og vind. Blessuð sé minning hennar.

"Settu inn skýr skilaboð eftir að sónninn heyrist".

Kynlífslöngun spyr ekki um aldur

Ef Björn Ingi færi til Bandaríkjanna....

...eða til Hollywood?

Ruglað saman við D’Onofrio

Amma sænska internetsins

Ef Peter Löthberg er faðir sænska  internetsins, er þá ekki mamma hans amma internetsins?

Vel tengd amma

Fórnfýsi

Hafmeyjan lokkaði til sín lax sem lét lífið fyrir Hannah.

Hafmeyjan lokkaði til sín lax