COOL HAND LUKE

Ég sá uppúr 1970 kvikmynd sem var gerð 1967 með Paul Newman. Sú mynd er magnað sýnishorn af karlmennskutíðarandanum á sjöunda áratugnum enda var ímynd karla ögn frábrugðin því sem gerist í dag. Ég sakna svo sem ekkert þess tíma en ég hef mikinn áhuga á honum. Þegar ég las fréttina um Erling Þór á mótorhjólinu minnti hann mig dálítið á Paul Newman í þessari mögnuðu kvikmynd (liðinna tíma) COOL HAND LUKU. Sjálfur hef ég svo lélegt jafnvægisskyn að ég hef alltaf litið upp til þeirra sem geta ekið á mótorhjóli og náð öllum beygjunum en Paul Newman kunni bæði á bíla og mótorhjól, á öll tól og tæki enda er hann sennilega nýbúin að gera við kaggann sinn þegar myndin til vinstri var tekinn af kappanum.

Hann var sko engin Woody Allen.

Voru ekki með forgangsakstur að óþörfu

Siðir annarra ættbálka

Þessi frétt er framlag moggans til að fræða og létta lund lesenda sinna enda er Angelina hreinræktað skemmtiefni inn að beini ekki síður Britney Spears og Paris Hilton. Rúmlega Angelinu skiptir máli. Sefur hún á hlið eða á bakinu? Notar hún dúnsæng eða ekki dúnsæng? Hvorum megin ætli Brad sé? Er hann alltaf öðrum megin eða báðum megin? Sefur hann í náttfötum? Sefur hann með nátthúfu? Lesa þau upp í rúmi? Eru þau með fartölvuna upp í rúmi? Rúmfarir Angelinu Jolie kemur okkur við vegna þess að annars værum við miklu fáfróðari um siði og menningu annarra ættbálka.

Angelina fórnaði ærslunum

Gleðilegan Fiskidag og farsæla vináttu

Því miður komst ég ekki á Fiskidaginn mikla í þetta skipti en verð örugglega með á næsta ári enda er fiskidagurinn best heppnaðasti hátíðisdagur sem til er að mínu mati. Á jólunum er hver fjölskylda útaf fyrir sig og gefur hvort öðru gjafir en á Dalvík eru allir eins og ein stór fjölskylda.

Gleðilegan fiskidag!

Fjölmenni á Fiskideginum mikla

Lífið er lotterí

Líkurnar á að foreldrar eignist eineggja þríbura er einn á móti 200 milljón en líkurnar á að mannkynið "eignist" eineggja þríbura eru mun meiri.

Það má líkja þessu við lottó. Líkurnar á að hver kaupandi lottómiða fái vinning eru ansi litlar en frá sjónarhóli þeirra sem reka lottóið eru líkurnar kannski einn á móti fjórum að einhver fái vinninginn.

Líkurnar á að ég varð til voru svo litlar að samkvæmt líkindareikningi er mjög ólíklegt að ég sé til í raun og veru. Móðir mín er fædd á Siglufirði, faðir minn í Hnífsdal. Þau hittast fyrir tilviljun í Reykjavik og af ótal syndandi "lottómiðum" datt "ég" í lukkupottinn.

Eignaðist eineggja þríbura; líkurnar einn á móti 200 milljónum

Hvenær kom McDonalds til Íslands?

Allur matur góður ef hann er merktur McDonalds

Hákarl í Tjörninni í Reykjavík

Hákarlamyndin reyndist vera fölsuð

Feluleikur

Sunnudag einn á miðju sumri í fallegri sveit fórum við krakkarnir feluleik. Það var sól og hlaðan var hálffull af heyi. Sá sem fannst fyrstur fékk það hlutverk leita að hinum og grúfði andlit sitt við gamalt hesthús sem var áfast litla bóndabænum og kallaði "byrjað að leita" þegar búið vara að telja upp í 50. Leikreglurnar voru skýrar, við máttum fela okkur hvar sem var, í næsta skurði en þeir voru margir, inn í hænsnakofa sem var við hlaðið gegnt bænum, en ekki inn í fjósinu sem var áfast bænum eins og hesthúsið og hlaðan. það mátti jafnvel fela sig við vatnslitla fossinn, sem steyptist niður af fjallinu sem sást svo vel úr stofuglugganum eða bakvið stóra steina við fjallsrótina sem lágu þar eins og hráviði. En eftir því sem feluleikurinn þróaðist fækkaði góðum felustöðum. Engum datt lengur í huga að fela sig í hænsnakofanum. Skurðirnir voru svo sem ágætir en gallinn var sá að maður varð votur og skítugur en bóndakonan sem þvoði allan þvott í köldum bæjarlæknum var ekki sátt við svoleiðis háttalag.

Ég faldi mig bakvið galta, en þá er kallað að það væri komið kaffi. Við hlýddum skipuninni enda var húsmóðurinni illa við allt slór en hún nokkuð ströng og ekkert okkar vildi láta skamma sig. þegar inn var komið sá hún að Steini var ekki í hópnum, hún sendi þá dóttur sína til að kalla á hann. En Steini ansaði ekki. Þá fór stranga bóndakonan sjálf út og kallaði reiðilegri röddu að hann ætti að koma eins og skot. En ekkert gerðist. Hún kom inn og sagði okkur öllum að klára mjólkina og kökuna í snarhasti og koma út að leita að Steina. Við kölluðum og leituðum, gengið var eftir öllum skurðum en allt kom fyrir ekki. Steini fannst ekki, hann var gjörsamlega horfinn.

Steini fannst ekki og tíminn leið. Klukkan sex fékk ég það hlutverk að ná í kýrnar á meðan allir aðrir leituðu að Steina. Bóndinn á næsta bæ var líka farinn að taka þátt í leitinni, hringt var á alla bæi í sveitinni og spurst fyrir um Steina en allt kom fyrir ekki. Ég rak kýrnar inn í fjósið, það þurfti að mjólka þær en enginn sinnti kvöldmarnum í þetta skipti en það hafði aldrei áður gerst að ekki væri kvöldmatur eftir mjaltir.

Smátt og smátt fjölgaði í leitarhópnum vegna þess að fólk af næstu bæjum tók þátt í leitinni, það má segja að allir í sveitinni hafi tekið þátt og einhverjir bændur voru að reyna að fá sporhunda. Kvöldið leið, klukkan sló níu, síðan tíu og svo ellefu og ekkert bólaði á Steina. Það var búið að margganga skurðina og mýrina með prikum. Nokkrir bændur léttir á fæti gengu fjallið. En þegar Steini fannst loksins í hnipri undir borði í hesthúsinu höfðu nokkur hundruð manns tekið þátt í þessum barnalega feluleik okkar sem fór svona úr böndunum.

Allir voru fegnir að hann væri á lífi en af hverju í ósköpunum ansaði hann ekki köllunum? Hann gaf þá skýringu að fyrst þegar kallað var reiðilega í kaffi, hafi hann ætlað að bíða þar til kaffitíminn væri búinn, en hrópin og köllin héldu bara áfram og færðust í aukanna og þá varð hann enn skelkaðri og að lokum sá hann ekki fram á að geta komið úr felum.

Hann ætlaði því að strjúka um nóttina þegar allir væru farnir að sofa.

Gott fyrir bloggara með ritstíflu

Þarna er lausnin kominn fyrir bloggara sem neyðast til að kveðja bloggið sökum ritstíflu, sem segjast vera uppiskroppa með hugmyndir. Sjálfur var ég kominn á fremsta hlunn með að hætta að blogga þar til ég sá fréttina um segulörvun, hún gaf mér styrk til að þrauka aðeins lengur og von um betri hugmyndatíð. Segulörvun ætti að lækna ritstífluna sem hrjáir mig stundum, en ekki síður getur örvunin leyst úr læðingi ferskar og frjóar hugmyndir sem eru kannski til staðar lengst inn í rassgati en það hefur vantað tækið til að draga þær fram....en þar sem ég hef ekki farið í segulörvun hef ekki hugmynd um hvað ég ætti að segja meira um segulörvun.  

Segulörvun „vekur“ sjúkling

Flótti úr liðinu

Þetta minnir á þegar Sovéskar sinfóníuhljómsveitir fóru í tónleikaferðir til vesturlanda  og snéru heim til baka sem kvartett.

15 heimilislausir fótboltamenn hurfu í Danmörku

Roðna, bugast og blána

Sitja saman í sána,

sveitt og hitan þreyja.

Roðna, bugast og blána,

bíða þess að deyja.

Heimsmeistaramót haldið í gufubaðsetu