Rugl dagsins

Margt hefur verið sagt um kreppuna en neðangreindur texti af heimasíðu lýðræðishreyfingarinnar er kostulegur:

"Óbreytt ástandið getur leitt til ófriðar í samfélaginu og verði ekki boðað til kosninga gæti skapast hætta á uppþotum og jafnvel áhlaupum á Alþingi og aðrar opinberar byggingar. Aðgerðir lögreglu gegn hundruðum eða þúsundum mótmælenda eru illráðin. Komi slík staða upp ber lögreglu að víkja og leyfa mótmælendum að bera út ráðherrastólana á friðsaman og táknrænan hátt."

Semsagt: Ef ekki verður boðað til kosninga STRAX gæti komið til uppþota sem gætu leitt til þess að ráðherrastólarnir verði bornir út á friðsaman hátt!

Lýðræðishreyfingin fundar

Athugasemdir

[Kristján Gunnar Guðmundsson, 30.11.2008 kl. 00:35]

Já eitthver hefur tekið sér bessa(staða)leyfi hvað varðar skáldskapinn en samt hver sem samdi þetta virðist meðvitaður um þann hita og bræði sem kraumar undirniðri og á bara eftir að aukast, ef ekki fæst útrás fyrir hana á eitthvern hátt.

 Allavegana sért er hvert ruglið, ekki er þetta það versta sem maður hefur séð eða á eftir að sjá áður en þessu öllu líkur :P

[Rósa Aðalsteinsdóttir, 30.11.2008 kl. 23:15]

Sæll frændi.

Sammála að textinn er kostulegur.

Hef nú ekki trú á að ráðherrastólarnir verði bornir út á friðsaman hátt ef fólk færi á annað borð að ráðast inní byggingarnar.

Vona að þessi volaða ríkisstjórn komi með bráðarbirgðalausnir nú þegar. Fólk getur ekkert borgað þessi vísitölutryggðu lán endalaust í þessari óðaverbólgu + allt annað sem þarf að borga.

Vertu Guði falinn

Kær kveðja/Rósa 

[Gunnar Th. Gunnarsson, 2.12.2008 kl. 15:23]

Ég reyni oftast að stilla málfarinu í hóf, en nú get ég ekki orða bundist. Þetta eru hálfvitar!

[Benedikt Halldórsson, 2.12.2008 kl. 18:00]

Eitthvað vantar upp á dómgreindina hjá textasmið. Okkur vantar fólk með góða dómgreind, það er engin skortur á dómgreindarlausu fólki.