ÞINGBÆNDUR OG UMHVERFISBÓNDI

Ég legg til að ráðherrar verði að þingbændum en áfram yrði talað um þingmenn og þingkonur. Umhverfisbóndi hljómar best að mínu mati. En svona yrði listinn.

Björn Bjarnason, dómsmálabóndi

Einar K. Guðfinnsson, landbúnaðar- og sjávarútvegsbóndi

Geir H. Haarde, forsætisbóndi

Guðlaugur Þór Þórðarson, heilbrigðisbóndi

Ingibjörg Sólrún Gísladóttir, utanríkisbóndi

Jóhanna Sigurðardóttir, félagsmálabóndi

Kristján L. Möller, samgöngubóndi

Þorgerður K. Gunnarsdóttir, menntamálabóndi

Þórunn Sveinbjarnardóttir, umhverfisbóndi

Össur Skarphéðinsson, iðnaðarbóndi

 

Vill nýtt starfsheiti fyrir ráðherra

Athugasemdir

[Benedikt Halldórsson, 21.11.2007 kl. 03:45]

Ekki má gleyma sjálfum fjármálabóndanum en með slíku heiti myndum við sýna hinu upprunalegu fé þann sóma að nefna þann sem sér um hið nýja fé og það fólk sem hefur umsjón með ríkisbúinu eftir bóndanum og hans búaliði sem þraukaði í þúsund ár. Bóndi getur að sjálfsögðu bæði átt við karla og konu. Búaliðið eru óbreyttir þingmenn.

[Jenný Anna Baldursdóttir, 21.11.2007 kl. 08:55]

Hahaha, góður Benedikt.  Ekki vitlaus hugmynd enda við öll beintengd moldarkofanum.

[Steinarr Kr. , 21.11.2007 kl. 10:20]

Þú móðgar bændur!

[Benedikt Halldórsson, 21.11.2007 kl. 17:02]

Takk Jenný. Orðið umhverfisráðherra er ákaflega óviðeigandi hvort sem karl eða kona gegnir embættinu. Eðli starfsins er að hafa vakandi auga með náttúrunni og hlúa að henni eins og bóndinn. Slík nafnabreyting væri fyrst og fremst til áminningar um eðli starfsins sem að standa vörð um hvern málaflokk sem "bóndanum" er treyst fyrir. Íslenskir bændur eru einskonar "minister", þeir voru kannski ekki alltaf góðir stjórnendur en þeir þurfti svo sannarlega að hugsa vel um búið.

[Heidi Strand, 23.11.2007 kl. 11:47]

 Ráðsmaður eða ráðskona.

[Guðsteinn Haukur Barkarson, 24.11.2007 kl. 10:32]

HAHAHAHA ... þetta eru þær bestu tillögur sem ég hef séð til þessa! Góður Benni !

[Jóhann Páll Símonarson, 24.11.2007 kl. 13:41]

Heill og sæll Benedikt Halldórsson.

Þetta eru góðar hugmyndir hjá þér og kemur fólki til að hugsa. Ég tel það ekki móðgun eins og Steinar segir. mér finnst þessar hugleiðingar þínar vera frekar hugsaðar sem að stjórnarflokkarnir væru fjósaflokkar.

Fyrir utan finnst mér þessi umræða farin að missa sín. Það eru nefnilega feminístar sem vilja breyta öllu eftir sínu höfði.

Jóhann Páll Símonarson.

[Guðríður Pétursdóttir, 24.11.2007 kl. 16:13]

eða bara álfur

http://www.elfyourself.com/?id=9592067376

[Benedikt Halldórsson, 24.11.2007 kl. 19:03]

þakka skemmtileg viðbrögð en það er ljóst að bóndinn er miklu nær grasrótinni en RÁÐHERRANN. Við erum gjörn á að líkja almenningi við garsrótina auk þess sem við erum kannski álíka mörg og stráin hjá meðalbónda.

Þarf ekki bóndinn að huga að grasrótinni? Þarf hann ekki að bera á túnin árlega og huga að kali í túnum á hverju vori en ekki bara á fjögurra ára fresti?

Ráðherra á að vera eins og góður bóndi.

En þó er ég ekki að mæla með því að við lítum á okkur sem hvert annað þurrfóður fyrir útvaldar skepnur á vegum Bóndans.

[Anna Ólafsdóttir (anno) (IP-tala skráð) 24.11.2007 kl. 20:58]

 Þetta er alveg dásamleg hugmynd

[Rósa Aðalsteinsdóttir (IP-tala skráð) 28.11.2007 kl. 09:51]

Sæll Benedikt

Skemmtilegar umræður hér. Árni yrði þá fjármálabóndi  Það vantar nafnið hans hér í pistlinum en það er í lagi, hann virðist ofast nær vera í fílu karl greyið