EKKI REKA ÞJÁLFARANN, LESIÐ BÓKINA „ERTU VISS.“

Í þessu tilfelli er sennilega bara um óheppni að ræða. Tilviljanir eru ekki á ábyrgð þjálfara. 

Í bókinni „Ertu viss“ eftir Thomas Gilovicher, er talað um klasa; þegar sama gerð, hvort sem það eru rauðar kúlur í krukku fullri af mislitum kúlum, margir sigrar í röð eða mörg töp í röð í íþróttum klasast saman.

Þessi umtalaði tapleikur stafar ekki af lélegum mannskap eða lélegum þjálfara eða skorti á að leikmenn líti í eigin barm, enda er liðið gott.

Tapið er hrein tilviljun. Varla er íslenska landsliðið í fótbolta laus undan oki tilviljana?

Ef forráðamenn KSÍ tækju sig til og köstuðu teningum í nokkra klukkutíma sæu þeir að tap íslenska landsliðsins er tilviljun. Ef niðurlægjandi „tap“ er númer fimm á teningnum mun slíkt „tap“ koma upp í eitt af hverjum sex skiptum að meðaltali. En það er bara ekki svo einfalt. Talan fimm er óútreiknanleg og kemur alls ekki upp í sjötta hvert skipti, bara alls ekki. Einstaka sinnum kæmi hún meira að segja upp nokkrum sinnum í röð, það sama gildir reyndar með hinar tölurnar. Hvað gæti KSÍ gert í því? Rekið heilladísirnar?

Bókin „Ertu viss“ er gott lesefni til að draga úr hinni miklu þjálfarahjátrú og er líka góð vörn gegn ýmsum öðrum bábiljum.

„Þjálfarinn ábyrgur"

Athugasemdir

[BJ (IP-tala skráð) 19.10.2007 kl. 09:34]

Ertu alveg snar ??

[Sjonni (IP-tala skráð) 19.10.2007 kl. 11:34]

Mesta rugl sem hefur verið ritað.

[Sigurgeir Orri Sigurgeirsson, 19.10.2007 kl. 11:47]

Ég held að það sé ekki hægt að boða til nýrra sveitastjórnakosn. Bara þingk. Treysti mér því ekki til að svara könnuninni.

[Benedikt Halldórsson, 19.10.2007 kl. 12:30]

Sigurgeir, það er nú í góðu lagi. Ég fer að taka hana niður vegna bráðlega enda breytast hlutföllin ekkert.

Sjonni, hvað af því sem ég ritaði er rugl? Allt? Sumt? Hvað? Það væri gaman ef þú rökstyddir mál þitt og ennþá skemmtilegra ef þú þyrðir að koma fram undir fullu nafni.

[Margrét St Hafsteinsdóttir, 19.10.2007 kl. 22:48]

Meiri lætin út af þessu leik

[Fríða Eyland, 20.10.2007 kl. 01:47]

Þetta er hrein snilldarfærsla ertu viss er greinilega púra heimspeki.

JGuð telur að skoðanakannanir séu marktækar þegar 500 hafa svarað, bíddu aðeins með að taka hana út.