Að verða undir hundaskít

"Ég á hund og einu sinni sem oftar fór ég með hundinn minn út að labba sem er svo sem ekki í frásögur færandi, nema hvað, þegar ég er búin að ganga um það bil 378 metra frá útidyrahurðinni, mætir mér þá ekki þessi risastóri hundur; hann var svo stór að hann hefði getað gleypt litla hundinn minn í einum munnbita. Eigandi stóra hundsins hafði ekki þrifið risatóra kúkinn upp sem fylgir svona stórum hundum; og hvað haldið þið? Ég datt ofan í kúkinn á bólakaf, ég get svarið það, en það sem varð mér til lífs að ég hafði farið á snjóflóðanámskeið og gat krafsað mig út úr hundaskítnum með miklum erfiðismunum, ég fékk síðan áfallahjálp en hreinsunardeild Reykjavíkurborgar sá um að moka upp skítinn." Höfundur er enn að jafna sig.

Ég vona svo að konan Mosfellsbænum nái sér að fullu og Koli líka.

Eigandinn beinbrotnaði og tvísýnt um líf hundsins

Athugasemdir

[Ásthildur Cesil Þórðardóttir, 29.8.2007 kl. 19:56]

Þetta verður dýrt fyrir hundaeigandann, og sennilega dýrara fyrir hundinn.  Fólk þarf að læra að aga dýrin sín.

[Benedikt Halldórsson, 29.8.2007 kl. 20:33]

Ásthildur og Birkir, ábyrgðin er alltaf hundaeigandans. Sjálfur á ég lítinn vel agaðan púðla sem ég sleppi ´stundum "lausum" þar sem má í sjálfu sér ekki, en ég hef fulla stjórn á honum, hann situr og stendur eftir skipunum mínum. Þannig getur verið reginmunur á hund og hund, bæði hvað varðar stærð, grimmd og hversu vel þjálfaður hann er og hvort kúkurinn er látinn bara liggja fyrir allra manna skós´ölum, þetta er allt undri eigandanum komið sem getur verið með skðaræðisgrip í verstu tilfellunum.

[Benedikt Halldórsson, 29.8.2007 kl. 20:35]

Ásthildur og Birkir, ábyrgðin er alltaf hundaeigandans. Sjálfur á ég lítinn vel agaðan púðla sem ég sleppi stundum "lausum" þar sem það má í sjálfu sér ekki, en ég hef fulla stjórn á honum, hann situr og stendur eftir skipunum mínum. Þannig getur verið reginmunur á hund og hund, bæði hvað varðar stærð, grimmd og hversu vel þjálfaður hann er og hvort kúkurinn er látinn bara liggja fyrir allra manna skósólum, þetta er allt undir eigandanum komið sem er með skaðræðisgrip í verstu tilfellunum.

[Benedikt Halldórsson, 29.8.2007 kl. 20:43]

Úps, ég eyddi óvart út Birki en þegar ég ætlaði að eyða fyrri færslunni minni sem ég átti eftir að leiðrétta, ég kann ekki að ná Birki til baka en ég var sammála honum, ég er með þumalputta á öllum í kvöld...hættur að fikta. Sorry Birkir.