Erill gerður að blóraböggli...

Samkvæmt mínum heimildum er það alls ekki rétt að Erill hafi verið miðborginni í nótt. Erill var í skemmtilegu einkasamkvæmi fram á rauðanótt og hefur reyndar ekki farið oní miðbæ svo vikum skiptir, enda orðin langþreyttur á að lögreglan fari alltaf með það í blöðin í hvert skipti sem hann vogar sér út á lífið.

Tvíburasystur hans, Ys og Þys áttu afmæli. Það var nú allt og sumt.

Erill í miðborginni í nótt

Athugasemdir

[Guðríður Pétursdóttir, 4.8.2007 kl. 18:27]

Aðrir sem voru viðstaddir voru Arg og Þvarg Rúi og Stúi og Hróp og Köll

[Benedikt Halldórsson, 4.8.2007 kl. 19:04]

Frábært. Í boðinu eru því: Erill, Ys og þys, Arg og Þvarg Rúi og Stúi og Hróp og Köll

[Jóna Á. Gísladóttir, 5.8.2007 kl. 02:20]

Afhverju var Hávaða, Látum og Mergð ekki boðið? Þau eru mjög sár.

snilld

[Benedikt Halldórsson, 5.8.2007 kl. 02:24]

Glæsilegt Í boðinu voru semsagt;  Erill, Ys og þys, Arg og Þvarg Rúi og Stúi og Hróp og Köll en það má als ekki gleyma Hávaða, Látum og Mergð sem gerðu stormandi lukku....eru þá ekki allir upptaldir?

[Sigurgeir Orri Sigurgeirsson, 5.8.2007 kl. 10:47]

He he he! Fyndið. En þú gleymir Braut og Bramlaði. Þeir félagar eru aldrei langt undan þegar Erill er í bænum.

[Benedikt Halldórsson, 5.8.2007 kl. 13:14]

Enn betra  Í boðinu eru núna;  Erill, Ys og þys, Arg og Þvarg Rúi og Stúi og Hróp og Köll, ásamt Hávaða, Látum og Mergð en ég gleymdi Braut og Bramlaði....sem eru ekki langt undan þegar Erill er í bænum?