Hátíðahöld um veslunarmannahelgina 1939

Það er sagt er að sagan endurtaki sig í sífellu. Það á að minnsta kosti mjög vel við um spennuna sem myndast fyrir hverja einustu verslunarmannahelgi. Verður rok og rigning? Munu tjöld (hjólhýsi) fjúka? Hvert skal ferðinni heitið? Hvað sem veðrinu líður sem getur verið óútreiknanlegt, er löngu búið að skipuleggja dagskrána sem byggir á gömlum merg en tekur örlitlum breytingum ár frá ári.

Frídagur verslunarmanna var haldinn hátíðlegur fyrst fimmtudaginn 13. september 1894...Félagið hefur frá upphafi síðustu aldar nær óslitið staðið fyrir skemmtidagskrá á frídegi verslunarmanna. Fyrstu árin fögnuðu verslunarmenn frídegi sínum í byrjun ágúst, það var svo 1931 að fyrsti mánudagur í ágúst var valinn og tengdist það breytingu á samþykkt um lokunartíma verslana. Árið 1935 var dagurinn haldinn hátíðlegur á Þingvöllum og er talið að allt að fimm þúsund manns hafi sótt hátíðina. Sama fyrirkomulag var haft næsta ár en hátíðahöldin fóru yfirleitt fram í Reykjavík eða nágrenni eftir það. Deginum var fagnað á samkomusvæði sjálfstæðisfélaganna í Reykjavík að Eiði í Gufunesi á árunum milli 1937 og 1939 en þar byggði VR meðal annars fótboltavöll þar sem heildsalar kepptu við smásala og starfsmenn þeirra.            VR

 

Hitabeltisstormurinn Chantal gæti bjargað helginni

Athugasemdir

[Anna Ólafsdóttir (anno) (IP-tala skráð) 2.8.2007 kl. 21:06]

Vissi ekki að þessi helgi væri svona gamalt fyrirbrigði. En annað sem ég get ekki annað en tekið eftir. Alveg er þessi stafsetning stórmerkileg:

 skemtun, sægju, skift ...  

[Benedikt Halldórsson, 2.8.2007 kl. 21:53]

Já, stafsetningin er merkileg. Mér skilst að þegar je breyttist í é, hefði Jesús sloppið við að verða að Ésúsi og.... jeg vann með manni sem var kallaður Pjetur með joði en afi hans hjelt joðinu eins og Jesús.

Jú, þetta er eldgömul hátíð og mjög merkileg´.