Þegar fólk getur ekki tjáð sig með orðum er kannski skást að sletta skyri...sjá blaðagrein frá 1972.

Hafa samtökin Saving Icleland aldrei heyrt um Helga Hóseasson sem reyndi allt hvað hann gat til að ná eyrum stjórnvalda án árangurs (að hans mati) og sletti því vel hrærðu íslensku skyri á þingmenn og þinghús.

Málningu slett á ræðisskrifstofu Íslands í Edinborg

Athugasemdir

[DoctorE (IP-tala skráð) 20.7.2007 kl. 18:23]

Helgi gerði alveg rétt, megi hann skvetta skyri oft og lengi í biskupa & presta.

Þetta er algerlega ólíkt Saving Iceland.. ekki sambærilegt

[Ásgeir Rúnar Helgason, 20.7.2007 kl. 19:50]

Þegar ég var í MH í gamla daga birti ég geðskýrslu Helga Hóseassonar í Beneventum (skólablað MH) = Helgi hafði stolið geðskýrslunni frá Kleppi og bað okkur um að birta hana sem við og gerðum.

Ykkur að segja var sú lesning frekar dapurleg fyrir geðlækningar þess tíma.

En hvað sem því líður, þá samdi ég lítið kvæði á þeim tíma til heiðurs Helga sem ég birtu í fyrsta tölublaði Þremils, tímariti Ungmennafélagsins Þjóðbjargar sem við Ólafur vinur minn Ólafsson gáfum út. Hér kemur það - afsakið lélaegan bragarhátt:

HETJAN:

Helgi karlinn stóð við stafn,

storminn rauf sem klettur.

Þó aðrir tilbæðu andans nafn,

sem ofar þeim var settur,

horfði hann glettinn í saltan sjó,

særði enga vætti.

Kleip úr skegginu klaka og hló,

kallaði þá úrþvætti,

er lágu þar skjálfandi og blautir á bæn

en berðust ekki til þrautar.

Hann bölvaði því að aðrir eins aumingjar

yrðu hans förunautar.

------------------

Man alltaf eftir heimsókninni þegar við Ólafur Ól. komum heim til Helga og konunnar hans heitinnar. 

Mikið öðlingsfólk!

Mín spurning er bara: Hver er þverari, Helgi eða kerfið sem meinaði honum um einfalda færslu í kirkjubækur?

[Benedikt Halldórsson, 20.7.2007 kl. 20:47]

Ásgeir, þetta er stórmerkileg saga, kvæðið fínt, og takk fyrir að deila því með okkur. Helgi  hefur treyst ykkur menntaskólastrákum frekar en blaðamönnum? Eða vildu þeir ekkert tala við hann á þeim tíma?

Annars hlustaði ég "óvart" á lögreglubylgjuna örfáum árum eftir skyrkastið, sama dag og þingsetning átti að fara fram, en Helgi kom svo sannarlega við sögu á bylgjunni. Það var sko fylgst með Helga. Öðru hvoru kom tilkynning hvar hann væri, hvað hann væri að gera og svo var spáð og spekulerað, hann var að minnsta kosti vel vaktaður og greinilegt að lögreglan ætlaði ekki að láta skyrið endurtaka sig. Brátt fóru "allir" nálægir að hlusta á þessa rás sem ónefndur loftskeytamaður "útvarpaði".  Þessi beina útsending stóð meira og minna allan daginn að mig minnir og var mikil skemmtun. Það skal tekið fram að allir héldu með Helga.

Ef efsta myndin er skoðið sést að Matthías Á, Matthísen er hlæjandi!

Doctor, ég held að Helgi sé orðin of gamall fyrir svoleiðis mótmæli.  

[Ásgeir Rúnar Helgason, 20.7.2007 kl. 21:32]

Benedikt:

Á þeim tíma hafði ekki nokkur fjölmiðill með "sjálfsvirðingu" áhuga á að segja sögu Helga útfrá hans sjónarhorni. Allir dæmdu hann sem galinn = ekki þess verðugan að á hann væri hlustað.

Við Ólafur Ólafsson (núverandi lögfræðingur og "æðstiprestur" yfirskattanefndar) vorum ósammála og töldum að Helgi ætti rétt á að segja sína sögu. Þess vegna ákváðum við að birta geðskýrsluna hans í óbreyttri mynd í Beneventum.

[Benedikt Halldórsson, 21.7.2007 kl. 10:55]

Ásgeir, þú og Ólafur hafið átt þátt í að þjóðin fékk að kynnast Helga.

Ég ber virðingu fyrir baráttu (sérvitringa) manna sem berjast af einlægni og heiðarleika fyrir sínum málstað, mönnum sem fara sínar eigin leiðir án ofbeldis.