Áramótaskaupið

Sú ákvörðun forseta Íslands að skrifa ekki undir Icesafe mun ekki gleymast um aldir og verður einn minnistæðasti atburðurinn í Íslandssögunni.

En hvað varð til þess að Ólafur tók þessa sögulegu ákvörðun?

Í gamla daga sá ég kvikmynd sem átti að gerast í seinni hamstyrjöldinni. Sögð var saga af harðsnúnum herflokki sem samanstóð af örfáum en hrikalega hæfum harðjöxlum sem breyttu gangi heimstyrjaldarinnar með einni tiltekinni aðgerð.

Ef gerð væri (Hollywood) kvikmynd um ákvörðun forseta að vísa málinu þjóðarinnar myndi ég vilja að þáttur Áramótaskaupsins yrði rækilega tíundaður og harðjaxlarnir, konur og karlar, sem tókst að svívirða forseta vor og embættið, með tilvísun í myndina Hangover verði hetjur myndarinnar og þúfan sem velti við vagni ósigursins sem blasti við þjóðinni. Við það gat forseti vor ekki unað.

Því er þrefalt húrra fyrir Skaupinu viðeigandi.

Húrra, húrra, húrra!

Staðfestir ekki Icesave-lög

Hin kostulega kveðja

Í Vísi er sagt að Jón Gerald heilsi öllum viðskiptavinum sínum. Svoleiðis á að koma fram við vini sína, jafnvel þótt þeir séu bara viðskiptavinir sem ráfa um og kaupa lítið sem ekki neitt en fá þó handaband í bónus.

Ég geri ráð fyrir að Jóhannes í Bónus fari að dæmi Jóns og heilsi líka sínum búðarvinum enda er það augljós Kostur.

En Krónan á í vanda ef farið verður út í vináttustríð. Hver á Krónuna? Þar er enginn Kalli í Krónunni og því er engum hægt að heilsa þar. Það er mikill óKostur. Allir þekkja afturámóti Jóhannes og Jón og maður heilsar jú þeim sem maður þekkir.

Opnun Kosts seinkar

Hræðslusporin 12

Höskuldur Þórhallsson og Sigmundur Davíð Gunnlaugsson virðast ekki þekkja hræðslusporin 12 sem hvert mannsbarn á Íslandi ætti að þekkja núorðið.

Hræðslusporin 12

1. Við viðurkenndum skuldir okkar og sök í Icesafe og að við gætum ekki höndlað málið fyrir dómstólum.
2. Við fórum að trúa að undirlægjuháttur gæti gert okkur fjárhagslega heilbrigð að nýju og báðum því um reikninginn.
3. Við tókum þá ákvörðun að fela líf okkar og vilja í umsjá AGS, samkvæmt skilningi okkar á stofnuninni.
4. Við gerðum rækilega og óttalaust siðferðileg reikningsskil, játuðum strax og báðum um langt gæsluvarðhald.   
5. Við játuðum misgjörðir okkar fyrir AGS, sjálfum okkur og Evrópusambandinu um allt hvaðeina sem hægt var að klína á okkur.  
6. Við vorum þess albúin að hlýða AGS og ESB án skilyrða.
7. Við báðum AGS og ESB í auðmýkt að losa okkur við eigin ákvarðanir um aldur og æfi.
8. Við skráðum misgjörðir okkar gagnvart náunganum sem stjórnar AGS og urðum fús til að bæta fyrir þær með hlýðni, gæsluvarðhaldi og sektum.
9. Við bættum fyrir brot okkar milliliðalaust og án malaferla svo framarlega sem það særði engan útlending.
10. Við iðkuðum stöðuga sjálfsrannsókn og þegar út af bar viðurkenndum yfirsjónir okkar og réttleysi fyrirfram.
11. Við styrktum vitundarsamband okkar við AGS með öllum tiltækum ráðum og báðum um það eitt að vita vilja AGS og hafa mátt til að framkvæma hann.
12. Við urðum fyrir undarlegri vakningu er við stigum þessi spor og reyndum því að flytja öðrum þennan boðskap og fylgja þessum meginreglum eftir.

Mun ekki biðjast afsökunar

Ögmundur flýr svartholið

Ég tel að Ögmundur geri sér grein fyrir að Icesafe samningurinn er svarthol á blaði eins og í þessu MYNDBANDI. Við fyrstu sýn er ávinningurinn einhver en að lokum mun svartholssamningurinn gleypa okkur.

Ögmundur segir af sér

Oj, oj

Má bjóða ykkur taðreyktan lax sem var með hjartakvilla í lifanda lífi og hefði drepist úr offitu ef honum hefði ekki verið slátrað?

Helmingur eldislaxa með hjartakvilla

Orðspor náttúrunnar er óskaddað.

Jöklarnir bráðnuðu ekki í hruninu, það lak ekki úr Bláa Lóninu. Ferðamenn hættu ekki að koma. Hafið umhverfis Ísland hélt velli og fiskafurðir héldu áfram að seljast. Raforkan var söm, fallvötnin söm. Hverirnir kólnuðu ekki. Vatnið mengaðist ekki og Björk var ekki hrópuð niður á tónleikum.

Fólk á viðskipti við okkur vegna eigin hagsmuna. Í hvaða tilvikum ætti "orðspor Íslands" að vera til trafala í viðskiptum? Jú, þegar fyrirtæki eru ekki samkeppnishæf.

Ef kenningin um "orðspor Íslands" stæðist hefði ferðamönnum átt að fækka milli ára. Ekki væri þorandi fyrir fólk að fara til lands með slíkt óorð á sér! En ferðamennirnir vita að ekkert hefur breyst nema nema gengi krónurnar sem gaf þeim tækifæri til að láta draum sinn rætast, að ferðast til Íslands, fallegu eyjunnar í norðri með vingjarnlegum og hjálpsömum íbúum.

Vörumerkið Ísland stórskaddað

Það er svart og sykurlaust framundan!

Mesta hættan fólksflótti

Karlar með þakskegg

Karlar eru brúklegir til margs. Þeir eru eiginlega að verða fjölnota eins og svissneskur vasahnífur sem er með allt til alls, enda færist það í vöxt að konur hafi karla í vasanum og eru teknir upp þegar skera þarf á alls konar hnúta!

Vilja húslega karla

Kexrugluð skattheimta

Ef skattar á "óhollustu" drægju úr neyslu hennar væri ekki hægt að áætla skatttekjur upp á tvo og hálfan milljarð. Þannig treysta stjórnvöld því að fólk haldi áfram að úða í sig kexi og þamba gos sem skilar milljörðum í ríkiskassann.

Fyrir hugmyndaríka skattheimtumenn er gósentíð framundan. Allt sem er óþarft og óhollt fer í 24,5%.

Þannig mætti hafa tvö skattþrep fyrir lærissneiðar, 7% fyrir kjötið en 24,5% fyrir fituna og beinin.

Fallhlífarstökk færi í 24,5% en allt flug í 7%, það er nefnilega algjör óþarfi að stökkva úr flugvél á miðri leið enda stórhættulagt athæfi sem skattleggja skal eftir því.

Svona mætti lengi telja - fram til skatts.

Skattur á kex og gos í 24,5%

Tannhjól ársins!

Hverjum datt í hug að taka sum tannhjól fram yfir önnur í leiksýningu sem er þegar best lætur einsog vel smíðuð klukka, með þúsund litlum pörtum sem vinna saman sem ein órofa heild.

Kannski ættum við að velja stjörnu ársins á himinhvolfinu. Við gætum tilnefnt Júpíter, Mars og Plútó.

Áhorfandi.

 

Utan gátta fékk flest verðlaun

Óvinsæl ríkisstjórn?

Ég man ekki eftir eins óvinsælli ríkisstjórn - sem ekki hefur verið mynduð! Það er nokkuð ljóst að óvinsældir hennar munu aukast verulega eftir að hún verður sett saman og málefnasamningurinn lesinn upphátt.

Furða sig á ummælum ráðherra

Bandalag eymdar og volæðis?

Nú kemur sér vel fyrir Spánverja að vera í bandalagi Evrópu í sínu hruni, öfugt við okkur Íslendinga sem vorum einir á báti í okkar hruni. Ef aðild að ESB og evran hefði bjargað okkur, af hverju bjargar ekki evran og ESB, Spáni? Hver er ávinningur Spánverja með hruninn húnsæðismarkað og nálægt 20% atvinnuleysi? Hvað var það sem þeir fengu sem við misstum af? Jú, þeir fengu að vera með í að taka rangar ákvarðanir sem þeir létu bara ekki yfir sig ganga án ræðuhalda og fundahalda í Brussel.

Elítan vill í ESB

Hvað ef Steingrímur J. væri Sjálfstæðismaður?

Hvað ef Steingrímur J. væri Sjálfstæðismaður? Er það ekki blekking að það skipti meginmáli fyrir atvinnulífið og þessa kraftmiklu þjóð hvaða þingmenn sitja á þingi? Hvaða mali skiptir hver úrslit næstu kosninga verða eða hvort kona er forsætisráðherra eða ekki, jafnvel þótt hún heiti Jóhanna? Sjálfstæðisflokkurinn þakkaði sér fyrir góðu lífskjörin og að sjálfsögðu er honum kennt um heimskreppuna! Gott á hann! Stjórnarandstaða hverju sinni rekur öfluga hræðslupólitík en stjórnarflokkar reyna að auka bjartsýni fólks. 

Kreppan er alþjóðleg og hún hefði skollið á íslandi hverjir svo sem hefðu verið í brúnni! Jú, það er áherslumunur á flokkunum. í gær var deilt um rafrænar sjúkraskrár! Og einhver ráðherra bjargaði lífi einhver kálfs sem heitir Lif en sem betur fer skiptir það litlu máli fyrir okkar líf. Næsta ríkisstjórn  Samfylkingar og VG munu gera metnaðarfulla fjögurra ára áætlun sem hljómar vel en reynist vel eða illa eftir því hvernig aðrir vindar blása.

ENDIR

Vel heppnuð hústaka

Þessi hústaka vakti mikla athygli og er ein vel heppnaðasta aðgerð til að vekja okkur til umhugsunar. En jafnframt stendur lögreglan sig vel og fer ekki í manngreinarálit og lætur almenningsálitið ekki villa sér sýn. Hún fer aðeins eftir lögum landsins.

Í vegi fyrir glæsihúsi

Styrkir

Það tekur engin stjórnmálamaður við tugum milljóna nema að vandlega íhuguðu máli, og býr þannig um hnútanna að gefandann hafi ekki áhrif á ákvarðanatöku og stefnumótun. Ef tíminn leiðir hins vegar í ljós að styrkirnir villtu mönnum sýn, má segja í ljósi reynslunnar að þeir hafi verið óeðlilegir. Ef þeir höfðu hins vegar engin áhrif á stefnumótun flokksins eða starf, er ekkert óeðlilegt við þá.

Ingibjörg: Styrkir til flokksins óeðlilegir