Sinueldar - vorið er komið

Það er kannski ekki við hæfi að játa að mér hlýnar alltaf um jurtaræturnar þegar ég heyri um sinuelda. Eldurinn, reykurinn og lyktin ásamt lögreglu og slökkviliði er tákn fyrir vorkomuna, áhyggjuleysi æskunnar og eilífrar hamingju enda er sinan eins og mara fortíðar sem er hindrun fyrir grösugri og fallegri framtíð! 

Ég man daginn sem í flutti úr Kleppsholtinu yfir í Hvassaleitið. Móarnir sem nú hýsa Kringluna voru alelda, alveg alelda og ég varð alveg heillaður. Á hverju vori útvegaði ég mér eldspýtur og kveikti í sinunni eins og öll venjuleg börn.  Til að spara eldspýtur notaði ég sinuvöndul til breiða eldinn út sem breiddist hratt út - enda eldur í sinu. Ég koma sótsvartur, sæll og glaður heim á hverju kvöldi. Í minningunni sit ég sveittur eftir vel brennt dagsverk og saup á sjóðheitri kjötsúpunni á meðan slökkviliðið vann sitt verk án árangurs fyrir utan stofugluggann. 

Nokkrum vikum seinna var leiksvæði okkar milli heimsálfanna tveggja, Hlíða og Hvassaleitis, orðið grösugt, grænt og vænt.

Búið að slökkva sinueldinn í Elliðaárdal

Athugasemdir

[Helga Guðrún Eiríksdóttir, 21.4.2008 kl. 22:11]

Ó, þeir gömlu, góðu dagar sinubruna og annarra ljúfra æskuglæpa!

Mér var harðbannað þetta heima í sveitinni... en svo var bætt við bannið: (vitandi að það myndi sennilega kvikna í samt á einhvern dularfullan hátt).. "farið vel yfir svæðið og verið alveg pottþétt á því að séu engin hreiður..!"

[Benedikt Halldórsson, 22.4.2008 kl. 14:29]

Ég held að sá siður að brenna sinu hafi verið fluttur úr sveitinni og þess vegna gerði fullorðna fólkið engar athugasemdir aðrar en þær að ekki mætti brenna sinu eftir 1.maí - það bann var heilagt enda voru allar krakkar miklir fuglavinir nema einn strákur sem stundaði óknytti.

[Ásthildur Cesil Þórðardóttir, 24.4.2008 kl. 10:58]

Prakkari

[Margrét St Hafsteinsdóttir, 24.4.2008 kl. 13:07]

Gleðilegt sumar!

[Rósa Aðalsteinsdóttir, 24.4.2008 kl. 21:24]

Christian Glitter by www.christianglitter.com

Sæll kæri frændi
Gleðilegt sumar
Takk fyrir veturinn og allt fjörið hér í bloggheimum.
Ekki líst mér á að prakkaragenið er s.s. líka móðurmegin hjá mér.
Drottinn blessi þig.
Kær kveðja/Rósa

[Helga Guðrún Eiríksdóttir, 24.4.2008 kl. 23:48]

Gleðilegt sumar!