Byssur drepa

Enn og aftur sannast það að byssur drepa, án þeirra gæti óður maður ekki drepið 30 manns á einu bretti.

Byssur veita hinum almenna borgara í bandaríkjunum rammfalskt öryggi, það er sennilega ekki til verri vörn í veröldinni en skammbyssa eða vélbyssa, það er margfalt betra að flýja af hólmi og forðast skotbardaga eins og heitan eldinn, fela sig frekar eða beita skynseminni til að verja sig og sína.

Athugasemdir

[Sveinn Ingi Lýðsson, 16.4.2007 kl. 23:17]

Hér þarf að leita fleiri skýringa en barasta á byssueign í BNA.  Byssueign er t.d. almenn hér á landi auk þess sem aðgengi að skotvopnum er mikill.  Mín tilfinning er að þetta snúist frekar um eitthvað í bandarískri þjóðarsál.  Þar eru líka drepnir fleiri með hnífum, bareflum og bílum en í flestum öðrum löndum.  Skotvopn hafa ekki sjálfstæðan vilja - manneskjur hafa.

[Benedikt Halldórsson, 16.4.2007 kl. 23:22]

Að sjálfsögðu hafa byssur ekki vilja, hins vegar eru nógu margir truflaðir á geði og nógu margar byssur í umferð til að ýta undir slíka harmleiki.