Vefþjóðviljinn les hugsanir

Ég las hugsanir mínar í Vefþjóðviljanum sem þó er ekki skyggn miðill.

Flokkarnir eru nú sannkallaðar ríkisstofnanir. Að loknum þingkosningunum eftir tvær vikur munu fjórar ríkisstofnanir eiga fulltrúa á Alþingi, aðrir ekki.

Landsbankinn veitti 2 styrki

Gefandi vinátta

Sagt er að góður vinur geti gert kraftaverk. En það þarf að rækta vináttuna, hringja, hittast, hringja aftur, kíkja aftur í heimsókn, leggja 30 milljónir inn á reikning.

Vináttan er svo gefandi.

-------o-------o-------o-------

Atburðarás síðustu daga er svo farsakennd að ég held einhver hafi skrifað kreppuna og okkur verði bráðum tilkynnt eins og þegar Orson Welles baðst afsökunar á áhrifamætti innrásarinnar frá Mars, að kreppufarsinn sé aðeins leikrit sem hafi líka farið úr böndunum.

Ömurlegar fréttir

Kreppan og Súperman

Þegar leitað er skýringa á þeirri efnahagslegri ógæfu sem dunið hefur yfir okkur, er vinsælt að kenna skúrkunum um. Jú, sko, þeim sem komu kreppunni af stað! Kreppan hlýtur að vera einhverjum að kenna. Eva Joly ýtir undir þá trú að orsök kreppunnar á Íslandi séu afbrot glæpamanna sem eigi að fá þunga dóma í samræmi við dýpt kreppunnar.

En er ekki kreppan alþjóðlegur faraldur og þjóðir með veikustu varnirnar verða harðast úti? Áttu stjórnvöld að styrkja varnirnar? Að sjálfsögðu. En stjórnvöld eru ekki alsjáandi og alvitur, ekki frekar en venjulegt fólk, hvort sem það vinnur hjá hinu opinbera eða í banka. Jafnvel fólk sem starfar við eftirlit er ekki alviturt! Þess vegna var í sjálfu sér eðlilegt að fólk með venjulegan heila tæki ákvarðanir sem við súpum nú seyðið af. Það er ekki glæpur að gera mistök, eða hvað?

En allra verstu mistökin voru að aftengja frelsi og ábyrgð. Þar sváfu margir heilar á verðinum. 

Það er semsagt í tísku að láta sem flókinn veröld sé einföld, þá verður manngangurinn einfaldur eins og í sögunni af Súpermann en bjargvætturinn góði varð einmitt til eftir heimskreppuna miklu á síðustu öld. Einföldunin er að líta svo á, að allt það vonda sem hendir okkur sé ávallt illum öflum að kenna. Þar er engin óheppni, tilviljanir eða mistök, ekkert er flókið og allt er einfalt.

Skúrkarnir og Lex Luthor (Davíð Oddson), sem komu okkar á kaldan klaka, eru ekki bara ljótir á sálinni heldur aðhyllast þeir vonda hugmyndafræði af því að þeir eru svo vondir! Góðu stjórnvöldin eru ekki bara óspillt og góð eins Súpermann, þau eru líka alvitur og alsjáandi, öfugt við stjórn skúrkana sem sjá bara eigin nafla sökum græðgi og siðblindu. Hinir góðu geta afturámóti stjórnað öllu samfélaginu eins og það leggur sig og fengið ýmsa útlenda ofurhetjuverktaka á tímakaupi til að uppræta glæpi skúrkanna. 

Kannski munu einhverjir fara í fangelsi til viðbótar við þá sem þar eru fyrir en kreppur orsakast ekki af glæpum, þótt slíkt vilji brenna við í teiknimyndasögum.

Dapurlegar fréttir af Samson

Hvað er í boði?

Af hverju ekki að kjósa fyrst um aðild að ESB og svo aftur þegar þegar aðildarviðræðum er lokið?

Aðild að ESB snýst ekki um hvað hægt er að fá mikið fyrir lítið. Aðildin er varanleg. Hún er sameining.

Það er miklu eðlilegra að samþykkja fyrst aðild með fyrirvara um að samningurinn verði ásættanlegur. Það er lítið mál að fá fólk til að samþykkja aðildarviðræður um hvað sem er með þeim "rökum" að við getum ekki neitað fyrr en við sjáum hvað er í boði!

Ef almenningur væri spurður um hvort við ættum að sækja um að verða 53 ríki Bandaríkjanna er ekki víst að svarið yrði fyrirsjáanlegt. Ekki ef linnulaus áróður allra fjölmiðla snerist um að við ættum fyrst að fara í aðildarviðræður og sjá hvað hægt væri að fá mikið fyrir lítið!

Hvað er í boði með aðildarviðræðum við ESB? Svar: Aðild að ESB. Um það á að kjósa.

Flestir vilja aðildarviðræður

Ókeypis kynning á frambjóðanda

Hver er fréttin? Fyrirsögnin lofar góðu, "Margt líkt með Íslandi og fyrrum Afríkunýlendum" og maður á von á einhverju bitastæðu frá sérfræðingi í skuldastýringu Afríkuríkja en svo kemur í ljós að "vitnið" er frambjóðandi Borgarahreyfingarinnar.

Í hverju einasta flokki eru fátækir frambjóðendur sem eru jafnframt sérfræðingar og fræðimenn sem hægt væri að fá til að tala illa um hina flokkana eftir pöntun. Þó ekki nema til að vekja athygli á sjálfum sér og sínu framboði.

Hagfræðingurinn og sérfræðingurinn vék fyrir frambjóðandanum þegar hann komst að þessari merkilegu niðurstöðu: "að hér á landi hafi verið við völd spilltur stjórnmálaflokkur með nánast alræðisvald sem hafi rústað stjórnsýslunni."

Hér er ekki frétt á ferðinni, heldur ókeypis kynning á frambjóðanda.

Ísland líkist fyrrum Afríkunýlendum

Höskuldur er þröskuldur

Höskuldur er hindrun, hann er ljón í veginum og hefur sjálfsstæða skoðun. Fleiri þingmenn mættu greiða atkvæði eftir sannfæringu sinni. Er ekki verið að kvarta yfir ráðherraræði þar sem þingmenn eru eins og hverjir aðrir sjálfssalar? Ef aldrei eru steinar í götu ráðherranna, engir þröskuldar mætti alveg eins kaupa fjarstýrðar dúkkur sem segja já eða nei eftir þörfum ráðherra.

Lausn ekki fundin

Hvalreki

Eftir því sem fróðir menn telja er ekkert því til fyrirstöðu að hefja hvalveiðar nema Steingrímur J. Sigfússon sem er að tefja málið vegna formgalla!

Ekki hefur dregið úr ferðamannstraumi til Íslands vegna hvalveiða. Þær eru atvinnuskapandi og bráðnauðsynlegar. Það eru ENGIN haldbær rök gegn hvalveiðum. Hins vegar verður því ekki móti mælt að mörgum þykir vænt um hvali og líta á þá sem dúllur sem eigi að vernda fram í rauðan dauðan.

Ef Steingrímur kemur í veg fyrir veiðarnar í miðri kreppunni, þegar nóg er af hvölum í sjónum og margar vinnufúsar hendur sem vantar vinnu, leggst hann gegn þeim sem eru að reyna að leggjast á eitt að endurreisa Ísland.

Steingrímur J. mætir á fund um hvalveiðar

Skákklukku í Kastljósið strax

Ekkert er leiðinlegra en þegar tveir viðmælendur í Kastljósi keppast um að tala hvorn annan í kútinn með munnræpu. Ég legg til að fenginn verði skákklukka í Kastljósið. Klukkan gengur á ræðumann eins og á skákmann sem er að hugsa næsta leik. Sá sem talar of mikið fellur á tíma og því á sá lokaorðin sem segir minna í upphafi. Þá gilti að segja sem mest á sem stystum tíma. 

Orðaskak yrði að orðaskák.

Fylgifiskar

Fylgi er eins og stygg síldartorfa. Við bankahrunið fór torfan til vinstri, aðallega til VG sem mun styggja fylgið með verkum sínum.

Sjálfstæðisflokkur stærstur

Sjáendur

Miðað við viðbrögð "þjóðarinnar" er hún ekki tilbúin til að fyrirgefa skuldir. Bjarni afsakaði sig með 370 milljónum. Loksins þegar einhver viðurkennir einhver mistök og borgar eitthvað til baka ætlar allt um koll að keyra.

Það er miklu farsælla að gera alltaf ráð fyrir góðum hug annarra. Sá sem er dottinn í þann fúla pytt að ætla öllum illt (sem ekki er í náðinni) verður á endanum hömlulaus í hatrinu. Hann er ekki bara tilbúin að trúa öllu illu upp á "hina" heldur verður hugarburðurinn að endanum að naglfastri staðreynd. Og þegar nógu margir eru búnir að jánka og jamma heila klapbbið er "sönnunin" kominn. 

Mín reynsla er sú að yfirgnæfandi minnihluti fólks vilji öðrum vel en það er svo margt sem gert er sem reynist ekki vel en það er ekki þar með sagt að illur hugur eða glæpsamlegur tilgangur sé að verki. Það er af og frá.

Það eru nokkrar manneskjur sem fara fyrir hatrinu hér á blogginu, eru ólaunaðir sjáendur illu aflanna og veigra sé rekki við að lesa hug annarra og miðla því sem þeir sjá til annarra. Ég held að þeir séu ekkert nákvæmari í greiningum sínum en miðlar sem segja fréttir af látnu fólki. 

Endurgreiddi 370 milljónir

Fást Bónusfánar í Nornabúðinni?

Getur verið að Nornabúðin sé með Bónusfána  til sölu en hann ku víst vera kynngimögnuð samkeppnisfæla.

Ráðist gegn Nornabúðinni

Dæmisaga

Fréttir geta veitt innblástur.

Nú er ljóst að ef maður er á sundskýlunni einni fata í frosti, lækkar hitatapið í gegnum höfuðið niður í 10%. Ef maður fer hins vegar í góðan skjólfatnað en er með höfuðið bert þá mun hitatap í gegnum hausinn verða allt að 40-45%.

Þessi dæmisaga kennir okkur að hækka ekki skatta!

Höfuðið saklaust

Ég er með hugmynd

Hvernig væri að við byðum hvort öðru í mat.

Við stofnum félag. Þeir sem eiga fyrir mat og vel það en vantar félagsskap bjóða fólki í mat. Fólk sem hefur farið illa út úr kreppunni eða bara vill gera sér dagamun og gæti vel hugsað sér að borða hjá ókunnu fólki sem vill sýna samstöðu í verki. Það er óþarfi að öskra sig hásan yfir spillingu eða aðstæðum okkar, við eldum bara og leggjum á borð fyrir náunga okkar. 

Ég er t..d. að fara að elda lasagna á eftir en strákarnir mínir (fullorðnir) sem búa hjá mér kaupa oftast sinn eigin mat og ég hugsa að ég borði einn lasagnað. Ég gæti vel hugsað mér að bjóða heilli fjölskyldu í mat. Hún fengi mat og ég félagsskap en mér finnst rosalega gaman að tala. Allir græða.

Þetta er bara hugmynd sem ég varpa fram og legg áherslu að sameiginlegan hagnað allra, en aðeins öðruvísi hagnað en hefur tröllríðið samfélagi okkar. Og, hugmyndin er ekki sett fram í nafni Trúar eða samtaka. Ég held að öll góðverk séu gerð til að öðlast virðingu og viðurkenningu annarra!

Fólk á ekki fyrir mat

Spá: Léleg mæting á laugardaginn

Ég skil ekki hvernig krafan um nýjar kosningar eigi að sameina þjóðina. Fólk er sammála um að ástandið sé ekki gott og getur sameinast í almennum mótmælum gegn bölinu, kreppunni, ástandinu og harðindunum en fólk er ekki sammála um hvernig bæta eigi bölið.

Að krefjast afsagnar núverandi stjórnar Seðlabankans, afsagnar núverandi stjórnar gjaldeyriseftirlitsins og nýrra kosninga er ekki breiðfylking gegn ástandinu, heldur aðeins krafa um afsögn Seðlabankastjórnar, afsögn gjaldeyriseftirlitsins og nýjar kosningar og ekkert annað.

Hvernig geta slíkar kröfur skapað samstöðu og samkennd með þjóðinni?

Þær gera það ekki.

Áfram mótmælt á laugardag

Rugl dagsins

Margt hefur verið sagt um kreppuna en neðangreindur texti af heimasíðu lýðræðishreyfingarinnar er kostulegur:

"Óbreytt ástandið getur leitt til ófriðar í samfélaginu og verði ekki boðað til kosninga gæti skapast hætta á uppþotum og jafnvel áhlaupum á Alþingi og aðrar opinberar byggingar. Aðgerðir lögreglu gegn hundruðum eða þúsundum mótmælenda eru illráðin. Komi slík staða upp ber lögreglu að víkja og leyfa mótmælendum að bera út ráðherrastólana á friðsaman og táknrænan hátt."

Semsagt: Ef ekki verður boðað til kosninga STRAX gæti komið til uppþota sem gætu leitt til þess að ráðherrastólarnir verði bornir út á friðsaman hátt!

Lýðræðishreyfingin fundar